/ 龍與鳳 /

// 16 11 23 晴天🌞 13:00 灣仔 港島皇悅酒店 @tiffin_hk 「馬拉菜」比人感覺好重大排檔式風味,較少精緻嘅擺盆。但又有冇諗過,其實只要加入少少創意,就可以創造出多款令人意想不到嘅驚喜呢? 「鐵飯碗」——— 真正令我感受到呢份滿載嘅心思。從菜式上能夠看到對口感嘅考量,所變化出不同嘅配搭。 主廚有無用心,絕對呃唔到人。 因為早喺味道上已經反映一切! 𖤐ˊ 會幫客人安排先後出菜次序 有加一服務費 🔻炸蝦片配參巴醬 (贈送|餐前小食) ꕀ 蝦片輕盈酥脆、唔油膩 再蘸上鹹香帶辣嘅參巴醬 惹味之餘仲好食到停唔到口 參巴醬裏面嘅蝦米味亦非常突出 🔻馬來黑豚肉叉燒 HKD$188 ꕀ 黑豚肉叉燒 每嚿肥瘦相間油花脂香 表面會有適當燶邊 配埋微甜嘅蜜汁 啖啖又香又滑 感覺就好似食緊東坡肉咁 叉燒有咬口得嚟 完全無渣 有別於傳統廣式 令人一試難忘 🔻螺頭花膠燉雞湯 (每位) HKD$168 ꕀ 燉湯油份適中 飲起嚟雞味濃郁 當中亦充滿住螺頭、花膠嘅鮮甜 成碗都相當足料 絕對係滋陰養顏嘅首選 燉湯上碟時 會一直用瓦座以明火保持溫度 等食客可以慢慢細味品嘗 🔻江南香煎大蝦 (每隻) HKD$188 ꕀ 大蝦比想像中大隻得多 切開嘅時候會聞到類似蒸魚豉油嘅香氣 蝦頭爆膏 鮮味十足、唔腥 整體生熟度恰到好處 肉質飽滿緊實 又保留大蝦嘅原汁原味 另外醬汁味道甜中帶微酸 除咗有提鮮作用 更讓人食指大動 🔻炭烤黑毛豬肋骨 (半份) HKD$164 ꕀ 豬肋骨有用黑椒醃製過 經炭燒之後 每啖肉都自帶油香及椒香 最重要係外層燒得夠乾身 當蘸上順滑嘅醬汁 同時都會食到焦脆同濕潤嘅口感 Sauce偏向泰式甜酸辣汁嘅味道,非常開胃 裏面應該有混合到蛋液 所以比外間一般順滑得多 再配埋6小杯酸酸哋嘅檸檬汁作解膩 呢份小心思簡直大大加分 🔻月光蟹肉扒菠菜 HKD$188 ꕀ 一梳梳新鮮蟹肉 份量又多又大嚿 菠菜索滿金華火腿上湯 入口清甜多汁 將面層生蛋撈勻 菠菜瞬間增添軟滑質感 🔻鴛鴦斑斕椰絲拼 HKD$88 ꕀ 兩款甜品都富有東南亞嘅特色 斑斕同椰絲相襯 整體唔會太甜 喺互相配合之下 令口感層次加倍飽滿 ꕀ #灣仔#港島皇悅酒店#tiffin#鐵飯碗#馬拉菜

平均消費
HK$1184
地址
鐵飯碗
香港灣仔軒尼詩道33號
評分
5/5
,
下一篇載入中