大哺乳類展3　《福岡篇》3/7-25/8

本人為了加入社群創作有價企劃行列，決定運用自身的日文一級能力，致力為大家上網搜羅與日本景點有關的優惠情報，再在U Lifestyle 作出分享。務求讓大家慳得一蚊得一蚊，做旅遊精明消費達人! ———————— 大哺乳類展3 福岡會場 日期: 3/7/2024-25/8/2024 (星期一休息) 但15/7、12/8例外，16/7和16/8休息 時間: 9:00-17:30 (最遲17:00 入場) 地址: 福岡市博物館 〒814-0001　福岡市早良区百道浜3-1-1 2019年曾經舉辦過既大哺乳類展2，而家載譽歸來。 福岡場之前， 東京都會搞一場， 詳情可以睇我另一個POST。##大哺乳類展3東京 今次的主題係分類和系統。 日本人其實對有系統地分類好有一手， 佢將各哺乳類動物既關係， 無論從外表，內部特徵，DNA等等都浮曬上面透過展覽話你知。 對於分類， 日本人話一係唔做， 一做就要做到極致! 佢地對比骨格、內臟等等貴重標本， 讓來賓可以見識到哺乳類的進化與多樣性， 令你驚嘆物種的不思議的同時， 又令你好到好多野! 會場既中央更有個大舞台， 上面坐立着約200個剝製生物標本。 氣勢十分龐大， 你仲可以仔細研究下佢地既外表， 唔駛驚， 佢地唔會郁， 你可以慢慢睇! 會場仲有好多首次被展出既標本、骨骼等， 今次絶對係一場令你眼界大開的展覽。 如果你想去福岡呢場活動， 仲可以預先買飛， 會平啲。 詳情去以下網址購買。 https://rkb.jp/event/mammals_fukuoka/ 其中有樂天TICKET（見圖13）， 可能操作會方便啲。 想知道更多日本新奇有趣既event記得關注我啦‼️你既關注為我帶來寫文章既動力🤝 ———————— 所有圖片來自官網（https://mammals3.exhibit.jp/outline/）及福岡官網（https://rkb.jp/event/mammals_fukuoka/）。 ———————— 如果大家見到有咩優惠/活動，但因為日文而唔識睇，可以話我知，我可以繼續出POST 話俾大家知。 想知更多優惠/活動資訊，就FOLLOW 我俾D動力我啦! THANKS. #日本好去處#日本之旅#日本#日本食玩瞓#求好旅友#日本旅行#日本自由行#日本旅遊#日本攻略#日本旅遊攻略2024#日本好玩景點#日本展覽#東京#東京自由行#東京攻略#東京景點#上野公園#日本event#event#大哺乳類展3福岡