今日去黃金商場買電腦💻 買完見到有間新開嘅黃金廚房有蒸氣海鮮放題 就喺度食埋晚餐😋 🌟蒸氣海鮮放題 ($368) 放題附上定食 可以揀日式刺身拼盤或脆皮乳鴿 我地揀咗日式刺身拼盤🍣 拼盤有三文魚、北寄貝、八爪魚、希靈魚 刺身肥美鮮甜 非常新鮮 之後就當然係重點自選海鮮！ 自選四款我地揀咗大元貝、蘇格蘭蟶子、鮑魚、桶蠔🦪 蒸海鮮嘅時候有店員幫忙蒸煮 所以海鮮蒸得恰到好處 唔會過熟 把握最佳蒸煮時間😚 元貝鮮甜大大粒 聖子爽脆 鮑魚又唔韌 桶蠔蒸完出嚟仲係好大隻😝 除左自選海鮮 每人仲會有半隻生猛龍蝦🦞同埋貝殼盛盤 龍蝦肉質結實彈牙 貝殼盛盤有白沙蜆、花甲 兩款都好鮮甜無沙👍 食完以上海鮮之後 仲有任點任食配料 主要係肉類🥓同蔬菜 🥬 例如頂級美國肥牛、安格斯牛柳粒、極品黑豚肉、爽脆豬頸肉、手打肉丸、墨魚丸、蝦丸、鯪魚丸、粟米、鮮冬菇、雜菌籃等等 同打邊爐啲食品差唔多🍲 唔同食材蒸嘅時間都唔同 仲有點心可以蒸 例如蔥花卷、荷葉糯米飯、馬拉糕、薑汁糕 好似去飲茶咁🫖 任點任食嘅材料都非常優質 肥牛好腍又有牛肉味😙 黑豚肉唔靭 豬頸肉爽脆 每款手打丸真材實料🧆 粥底方面可以3選1 我哋揀咗南瓜排骨粥 由生米同其他原材料由頭煲起🤫 蒸完嘢食之後 粥底吸晒之前所蒸嘅海鮮汁、肉汁🤤 加埋南瓜、排骨，所以特別鮮甜 一定要留肚食呢碗粥🤭 餐廳係新開張 所以裝修非常新淨 主要係卡位 枱與枱之間非常闊落 坐得舒服 上菜亦都非常快 除咗蒸氣海鮮放題之外仲可以打邊爐 下次都想黎試吓😁 📍黃金廚房 (深水埗) 深水埗欽州街94號黃金中心商場一樓全層