家陣係香港開嘅川菜館愈來愈多，若然身處銅鑼灣而又想食嘅，我會諗起佢 店舖面積唔算好大，設有卡位坐得舒適，紅紅燈籠高高掛，甚有中國風 川菜中招牌前菜，點少得夫妻肺片 ($66)，雖則有個肺字，但就無肺嘅。呢度選用牛肚及牛舌。 一客份量對眼，無論肚/舌都食到麻辣鮮香，但又唔會太過嗆鼻，用黎送酒都唔錯。 京蔥牛肉配6張麼麼皮 ($88)，咩叫麼麼皮? 即係食北京填鴨果塊嘢 京蔥與牛肉比例目則係一比一，兩者同樣不能少，配以惹味醬汁快炒，用軟身嘅麼麼皮黎包住食，增加口感之餘亦帶來多一種食法。 再來一客簡單嘅清炒萵荀絲 ($66)黎中和以上嘅重口味，口感爽脆，又有萵荀嘅甜味，一注夾起食得方便。 跟住仲有叫咗金湯酸菜魚 ($188)，辣度任選，呢客係BB辣，照顧唔係太食辣嘅友人。 魚片唔會太細舊，輕易夾起; 肉質超嫩滑，最重要係無骨，啖啖肉超開心 湯底有酸菜，酸度岩岩好，亦有萵荀片，菇菌及薯粉條，多種口感。 自從係食麻辣火鍋店食過之後，一直對呢客紅糖糍粑 ($58)念念不忘 炸至外脆內有糯米嘅軟糯，點埋個紅糖漿，香甜味美，幾飽都食得晒。 侍應招呼有禮，上菜速度快之餘食物係夠熱，即叫即煮，呢個川菜之夜，取得成功。 #社群時間囊#人氣美食