大阪隱世行程🚗美山！

為咗逃離市區嘅繁囂和擁擠，小編嚟咗一趟自駕遊，走訪京都再偏遠少少嘅近郊地區！大前提係奈良、京都、神戶、宇治呢啲熱門地區小編都已經走訪過啦(⁎⁍̴̛ᴗ⁍̴̛⁎) 🏔️ 美山 美山町嘅茅屋呈現江戶時代遺留至今嘅原汁原味日式村落風貌，村落由 40 間茅葺屋組成，入面亦都有好幾間嘅迷你神社，圍住外圍行，40分鐘左右就行完。 有部份嘅茅屋已經用咗商業用途作為飲品店、甜品店、甚至係日西式嘅小店仔，俾人感覺就係好慢活，完完全全係一個世外桃源(・ω・)ノ 必須拜訪嘅一定係嗰個紅色郵筒，同埋停車場旁邊的兩間小商店，買入： 🔴包裝嘅美山牛奶 🟤包裝嘅美山咖啡 ✨好似同名古屋嘅白川鄉合掌村差唔多？ 整體嘅感覺確係有八成相似，但美山屋子嘅造型同尺寸相對細啲，感覺會鄉郊少少，商業味無咁濃！ ✨有雪嘅時候好似靚啲喎？ 有雪鋪喺屋頂當然係最靚，不過考慮到自駕遊，如果落雪嘅情況下揸車會相對地冇咁安全！有部份旅行社亦都提供一日遊，不過小編就嫌時間太過緊迫，有興趣嘅朋友不妨取捨一下！ ✨同朋友分享嘅時候，大家都好似對美山去冇咩認識，所以都希望藉住呢個平台分享多少少，嘿嘿！ #日本好去處#日本必食#旅行打卡#旅遊行程#食勻全世界#UCreator#日本之旅#旅行美食