Briketenia 北角pet friendly日式法菜 呢間係北角既法國菜，係主打日式法菜，由日本籍廚師主理。以法式烹調手法烹煮日本食材。餐廳內有露天座位，可以帶寵物一齊食野。員工都好nice 晚市可以叫Set Dinner, 有Starter+ Main course + coffee/tea，甜品就要另外加錢。 前菜之前先會有餐前小食，餐包同蝦肉多士 餐包外層偏硬同脆，中間就軟啲，烘到微暖，配上自家制銀魚蛋黃醬。 另外仲有蝦肉多士，多士薄而香脆，開胃好食。 🌟周打蜆湯 第一款前菜係湯，蜆肉都幾飽滿大粒，仲有啲薯仔、蕃茄粒等，湯都好濃郁 🌟法式鵝肝焦糖燉蛋配田園沙律 +$48 呢款前菜需要加錢，賣相都幾似普通焦糖燉蛋，表面有層焦糖同紅莓醬，質感幼滑，幾香鵝肝味，可以加落法包到食，份量都幾多 🌟 香烤羊鞍配忌廉焗薯 $398 一份有兩件羊鞍，兩面都香烤過，再淋上醬汁。羊鞍唔會好肥，可以點啲芥末醬食，有啲蔬菜配菜同忌廉焗薯。忌廉焗薯係一層層咁。 🌟香烤肉眼扒配薯條及小甘筍 $398 可以自己要求肉眼扒要幾成熟，我呢份要咗5成熟，黎到肉眼扒已經切開一件件，裏面仲好粉嫩，都有啲脂肪，肉質好軟，有啲蔬菜係底，份量正常。薯條就會另外分開上，唔會啲汁整到淋晒。 主菜都食完就會上埋飲品，包普通既茶或咖啡。 📍Briketenia 北角渣華道123號北角匯2期2樓206號舖 #社群時間囊