CP值爆棚🥞大大份西餐

呢間食過好幾次 成日掛住佢個鰻魚蛋包飯同蜂蜜芥末炸雞窩夫😍上菜速度超快 即使即叫即整 啱啱落完單轉個頭就有 份量絕對對得住個價錢 ❣️檸檬牛油蜆 $98 由檸檬同牛油煮成嘅湯非常清香🍋帶出蜆肉鮮味又唔會太酸 海鮮都可以俾咁大份非常大方 清甜嘅檸汁十分開胃 就算食晒都忍唔住飲埋啲湯 ❣️三圈拼盤(炸芝士圈＋洋蔥圈+魷魚圈) $78 貪心鬼可以一次過試晒 熱辣辣脆卜卜外脆內軟😬三個之中最鍾意芝士圈 濃香芝士味慢慢滲出嚟 加上冰凍嘅沙律醬冰火組合勁過癮 ❣️芥末洋蔥醬炸雞窩夫 $148 呢個話係招牌必試之選 脆香炸雞大大舊放係窩夫🧇面頭 淋上甜香蜂蜜 同芥末洋蔥醬mix 埋一齊鹹酸微甜 層次感十足 ❣️原條鰻魚蛋包飯(日本無菌蛋) $158 鰻魚大過蛋系列 紫菜絲飯素芝麻嘅飯底比起一般齋食白飯吸引😋軟綿綿嘅鰻魚腍身入口即溶 濃厚鰻魚汁撈飯沾蛋食都極度滿足 - 🫧 EASY JOE 二世祖 大角咀福全街18號地舖