「聰嫂甜品」回歸啦!

#全民打卡企劃 「聰嫂甜品」回歸啦!!新店「聰。C Dessert」座落於灣仔,地鐵站一出行過黎就到,地點夠哂方便! 甜品由聰嫂親自監製,確保食材質素,而且新MENU增設多款甜品,有成超過四十款選擇,無論兩個人撐枱腳定成班朋友黎食都一樣咁開心! 今次就一次過試咗六款甜品,真係大滿足! 芒果奶昔雙皮奶 香甜芒果鋪滿雙皮奶面,雙皮奶香濃嫩滑、奶香十足,估唔到芒果同雙皮奶係咁夾!難怪成為招牌甜品之一! 龍眼椰果冰 大大粒龍眼果肉清爽多汁,配以彈牙西米、細滑冰底同香甜椰果,外型別緻,經典招牌作的確出色! 杏仁茶燉蛋白 每日鮮製,啖啖濃郁滑順,白滑滋補加上養顏美肌功效,女士們必試! 南北杏雪耳燉木瓜 秋冬天氣好適合呢個滋陰潤肺既糖水,新鮮木瓜特別香甜,配以養胃生津既雪耳同止咳潤肺既南北杏,大人小朋友都岩食! 豆漿白果腐竹薏米 白果散發特有清香,一啲都唔會苦,腐竹細嫩軟滑,薏米又有咬口,香滑可口~ 黑糖珍珠西瓜汁 西瓜汁新鮮現打,黑糖珍珠圓潤飽滿,香甜有嚼勁,相當彈牙,飲落味道甜而不膩。 聰。C Dessert 📍灣仔莊士敦道35-45號利文樓地下1D號舖

地址
利文樓
香港灣仔莊士敦道35-45號利文樓
評分
5/5
👍🏻
👍🏼
下一篇載入中