佐敦必試高性價比日式cafe - 晴舍

佐敦必試高性價比日式cafe 晴舍 今次喺佐敦午餐時間搵食，搵到一間非常日式嘅cafe，叫晴舍。發現佢嘅lunch set 都幾抵食，性價比幾高☺️。 晴舍喺一座新大廈嘅一樓，要上一層。店內裝修係新式嘅日式風格，木質地板加上部份地區用咗水泥地，而桌椅都係木質，吧枱位有好日本嘅藝術彩繪同日本元素♥️🌊，令到整個環境都好有日本嘅感覺😍🎌。呢到仲有好大嘅落地玻璃窗口位，更加係好大好靚嘅打卡點📸，不過今次坐唔到🙈。😆 ～ 鹽燒秋葵🍢 +$19 午市套餐可以以優惠價追加餐前小食，最後叫咗鹽燒秋葵。😋 秋葵燒得啱啱好，外皮微脆，內裡軟綿綿，好味。 ～ 蒲燒鰻魚丼定食🍱 $108 主食叫咗佢哋嘅蒲燒鰻魚丼定食。定食包括咗小菜螺肉；麵豉湯，估唔到好多料係湯入面；仲有沙津，沙津新鮮嘅菜撈埋醬汁，好開胃。鰻魚丼嘅鰻魚肉烤得啱啱好，魚肉都算厚。而蒲燒醬汁亦都好香甜，同魚肉好夾。夾埋飯一齊食好滿足😌🍱！ ～ 柚子茶 午餐包括埋飲品，咗一杯熱柚子茶，入面有好多柚子，柚子味好香，味道清新，幾解渴。 呢度嘅午餐定食包括咗好多嘢食，呢個價都算好抵食，性價比幾高😋。今次冇試到佢嘅咖啡，下次有機會再去會想試埋。😋 晴舍 地址: 佐敦德成街2號本木1樓 推介度：⭐️⭐️⭐️⭐️⭐️/5⭐️ #文青 #咖啡 #晴舍 #hare #coffee #cafe #日式 #日本風 #佐敦 #熱門菜式 #打卡 #攻略 #chill #週末 #下次要再食