人氣爆燈古式古香嘆茶🫖

今次試咗尼間人氣爆燈排隊王的茶樓，原來係大眾點評攞足5年必吃榜，就係「蘩樓」，我地今次去華強北分店，上個星期日，黃雨警告信號以為少D人，成間茶樓都推滿人，果然係人氣爆燈no.1 ，見到無論本地人同香港人都乖乖等位飲茶🫖。 「蘩樓」 以懷舊古式古香風設計再配綠色為主色，形成很有古典風格的特色茶樓，很喜歡用蒸籠做背景，同埋錢莊位都很別有風味。 入座會見到原來好大，座無虛席，雖然人多，但環境又唔覺迫，因為枱與枱之間都幾寬濶。 我哋就叫咗以下幾款點心同小食試吓，味道真係唔錯👍，怪不得咁多人排隊等位。 推薦大家必試以下幾款： 🔸蘩樓露笋蝦餃皇🔸 ¥36 蝦餃好大粒，蝦餃皮薄餡靚，足料，入面有三粒原隻蝦，🍤 爽口又彈牙，蘆筍又脆又嫩，夾埋蝦一齊食，好正😊。 🔸鳳眼海膽墨魚餃 🔸¥36 藍色外皮好夢幻，賣相相當搶眼，墨魚餃幾彈牙，鋪上滿滿的海膽同魚子粒粒。 🔸脆皮山水豆腐腦 🔸 ¥19.8 炸豆腐外脆內軟，豆腐好滑好食😋，這個可以在美團或大衆點評apps 買，¥19.8 仲送白粥。 🔸香脆明蝦紅米腸🔸45 紅米腸外皮唔會太厚，皮軟糯，中間件蝦卷很脆口，口感豐富，配埋豉油，麻醬同豆瓣醬一齊食，味道不錯👍。 🔸金銀蒜蒸陳村粉 🔸¥23 陳村粉好似好簡單咁，加炸蒜同豉油撈一撈，味道出色，陳村粉好滑。 🔸沙拉醬金𢇃蝦球 🔸 ¥29 呢個幾特別，層層脆酥絲包住蝦肉，蝦肉彈牙，加了沙拉醬好感更好食😋。 以下幾款覺得普通點，不過都可以一試。 🔸綿香沙爹金銭肚🔸 ¥45 金銭肚幾爽口，很香沙爹昧，金銭肚下面有幾件白蘿蔔都很入味。 🔸 生煎麻香草菇包 🔸 ¥26 生煎包𥚃面幾多料，味道都可以。 🔸傳統手工炸油條 🔸 ¥19 好鬼大條，炸得外脆內軟，一定要趁熱食，個人覺得稍微油了一點點🤏。 🔸 雜糧糕🔸 免費 等位超過30分鐘就送雜糧糕，外表平平，也蠻香。 茶位費¥7/位，可選菊花、普洱、鐵觀音、羅漢果同古樹茶，有服務員幫忙泡茶，不用自己動手。 埋單¥308 ，除返4 個人¥77 ，真係幾抵飲。 💡小貼士； 1️⃣ 我哋就在過關前在大衆點評 App 拎定飛排隊，呢間堅多人，排咗都有一小時，我哋很好彩去到洒樓等了5 分鐘左右就有位，所以記得拎定飛排隊，如果唔係又排等位。 2️⃣ 用大衆點平打卡送豆花一碗 🔸蘩樓 （華強北店）🔸 📍福田區振華路118號華麗裝飾大厦1楀 （平安銀行旁） 🚇 華强北站C 出口行大約60 米 ⏰ 0900 to 1600 & 1700 to 2130 #打卡#相機食先#深圳美食#深圳市 #早茶#蘗樓必點 #福田區美食#深圳美食推介#北上#吃貨 #深圳美食#深圳好去處#深圳探店#周末好去處 #假日好去處#北上好去處#打卡熱點#深圳必食#hkfoodie#吃貨#深圳攻略#UCreator#深圳打卡#深圳探店#年輕肌gotcha#想飛賞飛#社群有辦髮 #Jackodailylife