Chill享美食

The Pearl 瑞生酒店的西餐廳 餐廳以黑色為主色調，有酒吧，室內和露天座位。 🔸秘魯吞拿魚拌蕃茄莎莎配香烤鱈魚脆片及黑醋汁 吞拿魚口感軟滑，加上蕃茄的酸味和黑醋的甜味，令人開胃，鱈魚脆片都幾脆口。 🔸蒜片橄欖油封大蝦配佛卡夏多士 蝦肉外表乾身，內裏彈牙，亦有濃郁的蒜香和胡椒味，蒜片很脆，多士烤至金黃酥脆，配上有啲辣味的橄欖油很好食。 🔸和風原隻璣煮鮑魚配野菌意大利飯 鮑魚有掌心咁大隻，肉質腍滑，帶點紫蘇葉的清香，飯有很多菇粒，令飯味道更濃郁，飯的口感係半生熟。 🔸慢煮西班牙黑毛豬鞍架 豬鞍勁厚身，以呢個厚度嚟講，肉質都唔算乾身，帶有淡淡的香草味，配上紅酒燴梨汁酸酸甜甜，味道不錯。 食親孢子甘藍都覺得難食，因為有苦味，但今次令人驚喜唔抗拒，廚師用咗芥末調味，冇左苦味，仲要覺得好好味。 🔸Rosy Romance 有淡淡的玫瑰味，味道較酸。 🔸Passionate Night 果味較多，酸中帶甜。 👍🏻雖然孢子甘藍係伴菜，但係由呢個位睇得出廚師有用心去研究食材，唔馬虎。 #UCreator#好去處#想去就去#龍重登場#2024美肌秘密#chill