♡超高質鐵板燒♡成隻手掌咁大嘅澳洲鮑魚♡

上環新開咗一間高級日式鐵板燒，裝修高貴有格調，全部座位都係席前鐵板燒座，讓全部食客都可以即席欣賞鐵板燒師傅手藝。 公共空間大概可以serve倒十多位客人，而VIP房大約可以坐最多七至八人。無論係商務定係私人party飯聚都非常適合！ 餐廳有大約2-3款套餐供應，主打高級高質海鮮食材，另外亦有散叫餐牌。今次我哋試咗澳洲鮑魚二人前套餐。 ———.+:｡(〃ω〃)ﾟ.+:｡ ｷｬｧ♪ ❀澳洲鮑魚二人前套餐❀ ✰前菜 ⚘牛油果蟹肉、三文魚子，用青瓜片包住，圍住咗玫瑰花瓣莓汁。牛油果同埋蟹肉溝埋嘅口感好似非常香濃嘅蟹膏，口感好好👍🏻 ⚘由第一道菜開始，擺盤賣相已經好靚💜 ✰澳洲鮑魚450g ⚘我從來未食過咁大隻鮑魚🤣 呢隻鮑魚大過我隻手掌！ ⚘師傅細心講解，咁大隻鮑魚應該點食🤭佢會分開三種煮法。 1️⃣先食鮑魚中間部份，切薄片煎。用鮑魚肝加cream、白酒做汁。呢個煮法鮑魚好易咬開，夾埋炒過嘅海帶一齊食增加口感。個汁好香濃👍🏻 2️⃣鮑魚頭尾兩邊，厚切用xo醬炒。厚切嘅鮑魚非常彈牙，呢個口味好惹味😋 3️⃣鮑魚裙邊，用青檸汁煎 。鮑魚裙邊口感好得意好似海參，入口會溶化，味道幾清新，同埋有重海水味。 🌟我覺得下次嚟食都要食返呢隻鮑魚！真係超好食👍🏻推薦🤭 ✰季節海鮮 ⚘北寄貝，半煎煮，加咗梅湯、清酒、昆布絲，非常之鮮甜！仲留咗佢條腸比我哋食埋😂口感好似銀針粉。 ✰甘鯛立鱗燒 ⚘立鱗燒呢個煮法好考師傅功架😋 魚鱗同魚皮用油炸到勁脆，但係魚肉好似蒸咁嫩滑。個汁用海膽醬加入魚湯同埋洋蔥絲。超好味🤭 ✰清酒煮蜆 ⚘師傅用手摺咗個好靚嘅錫紙鍋仔，加清酒、辣椒、昆布、櫻花蝦乾去煮蜆。呢個菜式會點火😋相機先食📸 ✰肉品（可自選） ⚘日本佐賀A4和牛西冷 ⚘有厚燒/薄燒，油脂豐富，肉質軟嫩，黃牛嘅牛味非常香濃🤭 ⚘師傅整咗大量炸蒜片俾我哋拌住食，厚燒有Wasabi、玫瑰海鹽、胡椒做調味料自己點。而薄燒就包住洋蔥粒、蔥粒等等燒。 ⚘伴碟仲有煎冬菇、煎翠玉瓜 ✰炒飯 ⚘炒飯炒得好靚，粒粒分明😋 而且師傅仲煎咗隻流心太陽蛋放喺炒飯上面😆 ✰麵豉湯+漬物 ⚘食炒飯嘅時候上埋湯同漬物，可以配炒飯一齊食。 ✰炒野菜 ⚘由於我哋飽到暈，直接skip咗個菜唔食唔好嘥嘢🤣 ✰甜品 ⚘紅桑子+藍桑子+益力多棉花冰，呢度個棉花冰真係好似台灣嗰種咁軟綿綿！ ⚘焦糖多士，用黃糖嚟煎嘅焦糖多士超好食，超香脆😋 師傅仲表演整拉絲糖絲～ 加埋上去賣相又好靚呀💜 💵2人👩🏻‍🤝‍👩🏼人均$1749 呢個餐嘅肉品係可可以揀日本黑豚肉薄燒/美國牛肉/日本和牛，價錢唔同。 真心高質👍🏻🤭一定要試！ ♡Follow Me on Instagram : @lovelykawaii_missmeow 🏠鏘鐵板燒日本料理 (上環) Teppanyaki Kaneko 📍上環皇后大道中183號新紀元廣場低座2樓202-203號舖 #蕃薯妹周圍食#鏘#鏘鐵板燒日本料理#鐵板燒#鉄板焼#teppanyaki#hongkong#japanrestaurant #japanfood#JapaneseCuisine#日本美食#香港美食#上環#上環美食#日本菜#日本料理#日本#燒肉#美食#食好西#和牛 #foodies#foodiesblogger#foodieshk#foodblogger#ufoodphoto#hongkonggirl#ufoodvideo#打卡美食挑戰