尖沙咀靚靚粉紅花海Cafe推介🌸-Camellia

尖沙咀靚靚粉紅花海Cafe推介🌸 必試少女心甜品-Camellia 今次去咗一間充滿Barbie感覺嘅cafe 🎀，係位於尖沙咀 K11 Musea 嘅Camellia 🩷，可以一路嘆住飲品，食住精緻嘅甜品打卡📸，滿足曬女仔嘅少女心😋🩷！ ～Pinky Peach Lassi 🍹 🍑 $88 呢杯飲品賣相已經好靚，用高腳嘅酒杯去裝，粉紅色嘅嘢飲上邊放咗香橙水果乾，好靚🤩🩷。入口幾Fresh，用咗唔少新鮮水果，好似有桃，士多啤梨…等，飲落去有啲似係Fruit Punch 加Yogurt嘅味道，而且都好大杯😋可以慢慢嘆。 ～ 百利甜酒朱古力球🍫🍨 $138 呢個甜品賣相又係非常靚同吸引🤤，係一個好靚嘅碟上面放咗一粒好大嘅朱古力波😍。可以將另外上嘅熱Baileys朱古力淋落朱古力外殼，睇住朱古力殼半溶，再將佢打碎，幾好玩！😆而朱古力球入面別有洞天，裝住好多唔同款式嘅配料，有雲尼拿雪糕，士多啤梨🍓藍莓🫐，仲有蝴蝶酥同棉花糖添，好正呀！一次過滿足晒好多個願望😆😋 呢間充滿少女感嘅cafe，真係好適合一班姊妹們坐底相聚傾計，飲野食甜品之餘仲可以打卡🌸😚真係唔錯🩷！ Camellia 地址： 尖沙咀梳士巴利道18號Victoria Dockside K11 Musea 地下033號舖 推介程度：❤️❤️❤️❤️ #Camellia #Barbie #粉紅色 #尖沙咀 #朱古力 #雪糕 #美食 #K11Musea #美食 #熱門菜式 #打卡 #攻略 #chill #週末 #下次要再食