性價比高的泰式牛小排放題

第一次食泰式放題，除咗有牛肉火鍋之外，仲有多款泰式美食，自助區更加係應有盡有，當中包括熱食及多款制作珍多冰配料，仲🈶泰式甜品及雪糕雪條，而且蔬菜、丸類及火鍋配料都算多選擇。 飲品除咗有雪櫃嘅罐裝飲料之外，仲有無糖茶，包括四季春及桂花茶等，另外有自家製泰式奶茶及香茅水，泰式奶茶真係好好飲，味道冇澀味又唔會過甜👍🏻 呢度有新鮮嘅流水蝦，餐廳中間有個大水台養住啲蝦，隻隻都好生猛，肉質非常鮮甜彈牙，任夾任食。 揀咗套餐B，澳洲穀飼肩胛牛小排放題，湯底叫咗個藥膳豬骨白湯鍋，非常足料。 肉類及小食都可以用手機落單，呢個套餐包括極選肩胛牛小排、肩胛肉眼、特級牛胸爽、極上牛舌、特級牛胸腹、草飼羊肩肉➕豚梅肉，我就最鍾意食極選肩胛牛小排，肉味香濃得黎又唔會嚡口。蟹子墨魚滑亦十分香滑彈牙。 小食有沙嗲豬肉串，肉質軟腍。泰拳蝦餅口感爽彈美味，原隻大蝦米網卷非常香脆，泰式榴槤炸彈外脆內香軟，值得一試，泰國宋卡蝦片及香脆炸魚皮食落都算脆口 #全民打卡企劃 #Thaipothk #泰金鍋 #火鍋放題 #燒肉 #流水蝦 #旺角 #旺角美食 📍泰金鍋：旺角彌敦道601號創興廣場6樓