一生懸麵 @issyoukenmen 平時都有試唔同拉麵，但雪糕拉麵就未試過啦，見到好多人介紹，特登去試試。晚市都比較多人，我哋6:00到已經要排隊 雪糕拉麵係每日限量供應，旺角只會係上午12:00及18:00 兩個時段各供應30碗柚子🍊 +10碗花生醬🥜，唔想去到食唔到就要預啱時間去。 而雪糕拉麵期間限定只係去到10月6日咋，如果你想試又仲未去既要快啦。 🌟柚子雪糕拉麵🍊🍦🍜 $98 柚子豚骨湯底，加上豚肉、半熟蛋、柚子絲、火箭菜同桔仔乳酪雪糕🍦 餐廳既建議食法係先試湯底，再食雪糕，之後先將雪糕撈入湯食麵，雪糕筒浸湯腍咗之後有腐皮口感 湯底同雪糕都好重柚子味，湯底原本會有少少偏鹹，覺得撈左雪糕之後鹹淡啱啱好。有鹹甜鹹甜嘅味道又幾清新，味道都比想像中夾。 🌟花生醬味雪糕拉麵🥜🍦 🍜 $98 想甜嚐甜既花生醬味雪糕加上一生懸麵特製辛辣湯底拉麵。呢款個湯底真係幾麻辣，加咗雪糕之後辣度會變淡少少，真係幾香花生味，覺得都有啲似擔擔麵。辣辣地都幾開胃。拉麵可以選擇軟硬，但我覺得標準啱啱好。 🌟燒餃子、章魚燒 除咗雪糕拉麵同沾面外都有提供小食 味道都正常，比較鍾意餃子外皮煎到香脆咁 📍一生懸麵 旺角通菜街73號地下 荃灣眾安街68號荃灣千色匯1期3樓3012號舖 九龍灣牛頭角道 3 號 得 寶 商場 地下 121 號 舖 #社群時間囊