九龍城隱世西班牙fusion菜

唔好以為九龍城淨係得泰國菜同打邊爐~ 今日行過見到間裝修好特別嘅西班牙fusion菜餐廳~ 餐牌好多選擇,對於有選擇困難嘅我揀左個$788嘅二人餐 👫 前菜 🔸️俄羅斯沙律 口感豐富,味道可口 小食 🔸️西班牙海鹽炒小青椒🫑 簡單用海鹽及橄欖油清炒西班牙小青椒,突出西班牙小青椒獨特嘅味道,濃濃嘅青椒味帶點苦澀,完全係傳統道地嘅Tapas~ 🔸️西班牙白毛豬火腿肉炸丸 🐖 呢款炸丸有點似日式做法嘅忌廉餅,係一款日式mix西班牙嘅fusion菜,味道一流!  🔸️西班牙欖油蕃茄麵包 🍅🥖 食完炸丸再咬一口蕃茄麵包,會感覺份外清新,油膩感頓然消失! 🔸️吞拿魚他他牛油果一口酥🐟🥑 口感豐富,帶點日本刺身嘅鮮魚風味,而且味道清爽~ 🔸️西班牙蛋餅 🥚 由薯仔,洋蔥及蛋整成,蛋餅外脆內軟,跟葡國嘅家常菜一樣讚! 🔸️西班牙辣肉腸煮蜆配白酒醬汁 🐚 我想講呢道菜真係無得輸,唔係用普通白洒,而係用雪梨酒,好香好香!加埋蜆嘅鮮味,真係好正呀!差D想飲哂成個汁呀!如果有埋麵包提供點呢個汁就perfect! 主菜 🔸️原條八爪魚腳配自家製醬汁 🐙 一道震撼眼球嘅菜式,八爪魚腳口感較軟腍,配上自家製醬汁將味道昇華! 🔸️西班牙海鮮飯 🦐🐚🍚 好食好食好好食(重要嘅野要講三次) 絕對係我人生中食過嘅西班牙海鮮飯中最好食嘅一間餐廳! 店主用上新鮮嘅海鮮配上真正嘅西班牙米,加上淡淡嘅蝦汁鮮味,米飯口感偏硬乾身令口感唔會覺得膩,超高水準! 甜品 🔸️朱古力油條 🥨 西班牙油條口感酥軟,配上海鹽朱古力mousse,簡直係絕配, 真係食到嘩嘩嘩聲! 雖然店舖細細,但係都全院滿座,而且老闆都好nice,一有時間就會去唔同枱嘅食客傾計,令到成件事好warm好舒服,賓至如歸~ 而且睇得出老闆對食材嘅堅持,唔同菜式都用唔同嘅醬汁,令到每道菜都有新鮮感,營造出呢間餐廳嘅特式! 📍The Junction HK 九龍城聯合道40-46號萬基大廈地下1號舖

平均消費
HK$0
地址
九龍城
香港九龍城
評分
5/5
下一篇載入中