Chef's Cuts Restaurant

📍地址:九龍城啟德協調道2號AIRSIDE 2樓L201號舖 🔹雜錦海鮮拼盤 包羅萬有既雜錦海鮮拼盤,擺盤造型落足心機~拼盤有齊北海道帶子、肥美生蠔、青口、大蜆、八爪魚片、大蝦及龍蝦,每款都夠哂新鮮,肉質鮮甜~ 重點係餐廳提供幾款特調醬汁,襯埋海鮮食,味道更出眾‼️ 🔹蕃茄水牛芝士沙律 我既至愛!蕃茄既款式眾多,味道酸酸甜甜,夠開胃,而且沙律菜新鮮爽脆,好fresh~中間既水牛芝士口感綿滑,奶味突出,好正🔥 🔹焗龍蝦芝士通心粉 Mac & Cheese cross over 龍蝦,呢個配搭夠哂邪惡😍除左食到芝味濃郁既焗通粉之外,釀入原隻龍蝦入邊,食落啖啖肉,夠彈牙,層次感十足♥️ 🔹烤乳豬 配 紅甜椒,堅果醬,水欖,車厘茄及薯仔 呢款烤乳豬係西班牙特色菜色之一!乳豬外皮烤至香脆,皮下薄薄既脂肪入口滑順,一d都唔油膩,而且肉質鬆軟多汁,大推!配菜更加入各種sides,擺盤顏色鮮艷,夠哂吸晴🤩 🔹特色西班牙薄餅配毛豆,鷹咀豆蓉,煙三文魚 西班牙薄餅餅底用上出色既sourdough,咬落煙韌~上層加入大量煙三文魚及毛豆、鷹咀豆蓉等,口感夠豐富,特別係煙三文魚,煙燻味剛剛好,帶點三文魚鮮味🤤 🔹北海道帶子海膽醬墨汁意大利麵 賣相相當精緻!墨汁意大利麵入口彈牙,海膽醬墨魚汁包住每一條意粉,鮮味香濃~上層加入大量三文魚籽,增強口感之餘,更能提鮮~北海道帶子夠哂肥美厚身,啖啖肉夠鮮甜✨ 🔹檸檬柚子撻配白朱古力,雲呢拿雪糕 檸檬柚子撻餅底酥脆,牛油味濃~重點係中間既檸檬柚子內餡,酸酸甜甜夠哂清新,搭配埋香滑雲呢拿雪糕,大滿足🎉 🔹拖肥布甸蛋糕,干棗,雲呢拿雪糕 鍾意拖肥味道既朋友仔,必試!拖肥布甸蛋糕味道濃厚,周邊更加入焦糖脆脆及雲呢拿雪糕,口感豐富🤪 🔹Peachy Passion 值得一提餐廳中間更設有一個金光閃閃既bar 枱,一於叫返杯mocktail 慢慢歎下先~ 我就揀左呢杯Peachy Passion,成杯粉紅色,打卡一流,飲落酸酸甜甜,加入埋橙肉等水果,味道更清新,解渴一流💧 👅總結 餐廳位於連接AIRSIDE商場及新蒲崗入口,係商場必經之路,地點超一流,而且佔地5000呎,樓底又高,用餐環境舒適,係閨密聚會既好選擇! 食物方面,提供歐陸式多國西式美食,無論海鮮、扒類及西班牙特色小食都一一供應,食物種類夠哂多元化,值得一試🔥

地址
AIRSIDE Office Building
香港啟德協調道2號
評分
5/5
下一篇載入中