Amplifier Restaurant✨旺角高質西餐

🔹巴馬火腿配蜜瓜 鹹香火腿配上清甜蜜瓜，中和左火腿嘅鹹，仲夾雜生果嘅清甜。火腿口感鮮嫩，蜜瓜新鮮清甜。加上擺盤精緻，係好唔錯嘅前菜～ 🔹蒜香牛油田螺酥皮盒 酥皮夠酥脆、充滿牛油香。田螺新鮮而且口感鮮甜嫩滑，配上蒜香牛油，香氣濃郁之餘份量啱啱好，香而不膩，唔會太heavy。 🔹蟹肉龍蝦濃湯 湯底融合咗蟹肉+龍蝦嘅鮮甜，口感豐富滑順，由龍蝦頭熬製而成嘅香味尤其突出，湯入面仲有唔少蟹肉同龍蝦肉，好豐富。 🔹香煎日本帆立貝番茄醬意大利麵 蕃茄醬非常香甜濃郁、帆立貝新鮮彈牙而且唔會韌，意大利粉煮得剛好，配以酸甜嘅蕃茄醬，層次十足好開胃。 🔹慢煮美國威靈頓牛柳 將牛柳慢煮確保牛肉肉質鮮嫩唔會老，口感軟熟多汁，加上外層嘅酥皮金黃酥脆，配搭中間香氣十足嘅蘑菇醬，令口感有層次得來又食到牛肉嘅鮮嫩。 🔹焦糖燉蛋 焦糖燉蛋夠嫩滑有蛋香，面層嘅焦糖非常香脆，充滿焦糖香。 Amplifier Restaurant✨ 📍旺角花園街3-5號鴻威大廈1樓B號舖 #西餐廳#UCreator#打卡美食#CAFE#Foodie#假期推介