日式爐端燒燒物居酒屋🏮

由元朗多年經驗嘅日本料理店三品原班人馬搬過嚟佐敦重施故技 今次仲要加入大量爐端燒料理 裝修行工業風為主 嚟個超勁嘅反差萌🍢 ❣️日本茄子 $38 薄薄一片茄子同平時嘅原條茄子好大分別 切片更加均勻受熱 將本身茄子嘅水份迫晒出嚟🍆 ❣️唐揚鷄腳筋 $68 好似平時啲雞軟骨粒粒咁 食落索索聲好過癮😆 ❣️秘製雞肉棒棒 $48 店長強烈推薦item 仲要用上蘭王蛋勁有誠意 蛋味香濃 雞肉棒沾滿蛋液之後超級滑身🥹 ❣️鹽燒新鮮白鱔 $78 冇咗平時啲鰻魚醬咁重口味 鹽燒更能帶出本身鱔香 軟綿綿嘅魚肉彷彿入口即溶😶‍🌫️ ❣️一口豚肩 $48 大份到完全唔似小食 酥炸外層食落停唔到🐷肉質軟嫩加上芥末醬真係絕配 ❣️燒鯖魚 $88 極級推薦must order!!! 份量完全超出想像 呢個價錢可以食到原條鯖魚🐟仲要肉質嫩滑 夾起都唔會散 CP值夠高 ❣️牛肉稻庭烏冬 $68 牛肉腍身入口即溶嘅感覺 稻庭烏冬滑身爽口 掛湯能力十分強勁 連牛肉湯一齊食用整體更香更🐮 ❣️土佐豆腐 $68 一粒粒球體嘅炸豆腐外脆內軟 淋上特製豆腐汁吊味 十分惹味🥺 ❣️燒明太子飯團 $48 焦香外皮包住熱辣辣嘅明太子同珍珠米 微鹹香唔算重口味 另外仲有熱湯跟埋 冬天食一定好正🤓 ❣️野菜炒牛肉 $78 估唔到日式居酒屋都做到咁有鑊氣 明火炒出嚟嘅真係唔同啲🤭 ❣️燒年糕 $38 超級無敵脆嘅日式紫菜包住煙煙韌韌嘅燒年糕 熱辣辣脆卜卜一口咬落去超級夾😗 ❣️士多啤梨窩夫 $48 士多啤梨味窩夫包住士多啤梨味雪糕 成件事超級🍓甜度適中好香好好味 ❣️六十餘洲 純米 山田錦 300ml $288 相對其他純米酒米味較淡 反而係甜味較突出 除咗刺身壽司之外 估唔到同串燒都幾夾🍶 - 🫧Mizu 佐敦德興街3號地舖

地址
佐敦
香港佐敦
評分
4/5
下一篇載入中