呢間壽司有3款OMAKASE發板，價錢係$380、$480、$680，OMAKASE黎講算係幾平。今日先試吓普通合盛先，依家單點壽司同合盛都做緊優惠，全日都有八折，可以平平哋試吓。餐廳唔算大，有十幾個位置圍住師傅坐，望到晒整既過程。最好book咗位先去。 。 特上壽司盛 （10枚） $238 🌟吞拿魚腩 💕、🌟油甘魚 🌟火炙金線鯛、🌟池魚 🌟深海池魚、🌟真鯛 🌟牡丹蝦💕、🌟帶子💕 🌟三文魚籽、🌟 海膽💕 食材新鮮鮮甜，飯用咗壽司醋調味，味道適中，唔會太大嚿同硬。有幾款壽司特別鍾意💕，吞拿魚腩極肥美，牡丹蝦鮮甜大隻，海膽海水味淡偏甜同cream。 。 另外仲叫咗幾款壽司，🌟鮮帶子、🌟銀線魚、🌟金目鯛。呢件鮮帶子比壽司盛嘅更加肥美，滿足😋 。 食物質素幾好，價錢唔算貴，比起上千蚊嘅OMAKASE，都幾抵食。 。 📍尖沙咀亞士厘道24-38號天星大廈地下A2A及A2B號舖