小朋友至愛嘅Thomas

話說小朋友唔知點解都好中意Thomas，但富士急個Thomas land 又太遠，唯有退而求其次去位於新三鄉嘅Thomas Town 俾小朋友話下癮。 呢個Thomas Town 係商場入面而且唔係好大，每個遊戲都要換代幣玩，大約兩至三個一次，而一個要300円，所以個缺點係⋯貴。 不過因為收費比較高，所以啲職員氣氛就俾足，例如玩火車咁，有車長帽俾你帶，仲有職員會一齊唱歌同打招呼俾足反應，小朋友的確係會好開心。 不過紀念品就反而唔算貴，有啲牙刷110円就有交易，買少少紀念品都唔錯。 #全民打卡企劃