元朗抵食車仔麵 星期六下午2:30去到滿晒座 不過唔係等好耐就有位啦👍🏻👍🏻👍🏻 位置相當方便！係九巴總站旁邊，朗屏站行過黎都係5分鐘內👍🏻 🍜三餸麵 - 陳皮魚蛋＋豬紅＋紫菜幼麵（秘製辣汁小辣）$40，紫菜都多個索埋個湯食好正🤤🤤，陳皮魚蛋有7粒，份量都算多，豬紅好食有咬口，冇腥味👍🏻👍🏻秘製辣汁小辣就覺得唔算好辣，下次可以試中辣應該都冇問題！ 🍜三餸麵 - 蘿蔔＋酸齋＋陳皮魚蛋幼麵（秘製辣汁小辣）$39，蘿蔔鮮甜又夠淋。陳皮魚蛋👍🏻👍🏻👍🏻因為之前食過覺得幾多又好食所以再食，幼麵份量都多。每張枱都有菜脯可以自己加，好好味好爽口，推薦 🥘咖哩魷魚$30，呢個價錢有咁多真係幾抵食，醃得幾入味，幾爽口唔會過韌