銅鑼灣轉角遇到漢堡包🍔

平時成日去試唔同地方小店嘅漢堡包，今次喺銅鑼灣近鵝頸橋發現一間喺轉角嘅漢堡包小店有驚喜💫入面座位唔多，裝修有少少西式異國風情feel，店員都係外籍人仕，好nice 好friendly☺️今次點咗和牛漢堡餐加一個黑朱古力Gelato French Toast。 🍔和牛漢堡set $139 和牛漢堡份量唔少，價錢都合理。包乾身香脆，唔會俾啲蔬菜醬汁整到淋曬。蕃茄同生菜都好新鮮，唔會太多醬汁搶咗啲味。有一塊厚厚嘅芝士喺和牛漢堡扒上面，漢堡扒一切開非常juicy，因為用和牛肉造所以食落去油脂味會比較重。 🍞Gelato French Toast $99 Gelato可以揀味，我揀dark chocolate味佢係用Valrhona 朱古力，所以朱古力味好香濃🍫Toast有楓糖味而且煎得酥脆，配上黑朱古力Gelato令口感提升有層次。 🥭Mocktail blackcurrant mango & peach +$35 飲落去唔太甜，好清爽解渴，少少黑加侖子味，不過芒果/蜜桃味就唔太出。 靚景指數：💛💛💛💛 好食指數：💛💛💛💛💛 抵食指數：💛💛💛💛💛 📍Exotica Gelatea 地址: 銅鑼灣霎東街49號地舖