The Bayside 黃埔地中海美食 海景露天座位 餐廳主打地中海美食，供應多款嘅前菜、Tapas、pizza、海鮮、肉類主菜及甜品等。星期六日仲有brunch Menu. 呢到有室內座位同室外露天座位，我哋12:30去，室外嘅環境真係超好，可以睇到海景，但原來係2:30後先可以坐🥹見到好多靚嘅位都俾人book咗，如果係諗住去影相嘅要提早book位。 🌟牛肉他他配香脆吐司🍞 $168 牛肉好粉嫩，撈埋蛋黃落去食更滑，牛肉他他份量好足，鋪滿晒吐司食都仲有淨 🌟蟹肉餅 1pc $108 蟹肉餅會食到絲絲蟹肉，味道唔算特別濃，點埋配嘅醬汁食就啱啱好 🌟香煎鵝肝 $138 幾驚喜嘅tapas, 鵝肝煎到表面金黃焦香，裏面係好好軟嫩，咬落去係滿口油脂，下面嘅麵包係比較軟個種。但個人覺得個醬汁偏甜少少 🌟 波士頓龍蝦配牛油蒜蓉，馬鈴薯及西蘭花 $268 龍蝦表面係滿滿既牛油蒜蓉，聞落的確幾香，肉質正常，蟹鉗已經拆咗殻，就咁食就得又真係幾貼心。配嘅蔬菜都好好食 🌟 脆皮乳豬配馬鈴薯 $298 乳豬表皮金黃香脆，中間有層油脂，肉質好軟唔鞋，三舊睇落唔係好多，但食落都好足夠。馬鈴薯🥔都好食 🌟 和牛配黑松露醬及有機蘿蔔 (150g) $258 和牛我地要咗5成熟，所以和牛中間呈嫩粉色，油脂唔係好豐富，所以食落係較有咬口。肉味都幾重 🌟火焰阿拉斯加雪山🏔️ $158 🌟檸檬撻配椰子雪糕🍦 $108 最後試咗佢哋嘅兩款甜品，阿拉斯加雪山職員係會嚟到幫手點火，賣相的確好吸睛。 味道較鐘意檸檬撻，撻皮酥脆，裏面嘅檸檬餡酸酸地，配埋雪糕食有酸酸甜甜嘅味道。 🌟THE BAYSIDE SANGRIA (TINTO) $98 Brandy, Red Wine, Vermouth Rosso, Peach, Mixed Fruits and Berries 🌟HUMMINGBIRD BY THE BAY $108 Rum, Maraschino, Lime, Cranberry, Shiraz & Rosemary 兩杯嘅酒味都唔算好重，屬於比較易入口，雀仔造型嗰杯打卡就啱晒📸 📍The Bayside @thebayside.hk 紅磡德豐街18號黃埔花園地下G1號舖 #社群時間囊