唔洗飛大阪! 日本人主理 地道正宗御好燒鐵板燒

有冇人同我一樣都好鐘意食大阪燒呢! 今次為大家帶來一間位於中環既鐵板+大阪燒專門店，由日本人主理，好多客都係日本人，一秒飛咗日本好有氣氛，味道方面都好有驚喜! 最近佢地推出弁慶の肉祭り🎉有4款同肉有關既新Menu🤭 今次試左鹽麴烤伊比利亞豬同大阪烤牛小腸 鹽麴可以引出更多鮮味，伊比利亞豬肉味香濃，入口軟嫩，送酒一流 烤牛小腸雖然脂肪量不少，不過烤熟之後嚼勁十足，一啲油膩感都冇，十分邪惡 另外仲有醬煎豬扒同鹿兒島黒毛和牛扒，下次有機會試下先! Mix大阪燒 蠔大阪燒 今次試左兩款大阪燒，麵糊加入煙肉、海鮮、蛋同高麗菜，煎熟後加上醬料同美乃滋， 食落外皮香脆，灑上柴魚、海苔粉更惹味，口感豐富，值得一試 鐘意食蠔既朋友仔推介蠔果款，係面頭加入大大隻既蠔肉鮮甜更滋味 另外同時佢地都做緊京都祭既野食🎉 必食京都味噌生麩，唔講唔知生麩原來係小麥粉同水揉拌加上萃取麩質， 口感軟糯，用左味噌調味好香，值得一試 地址 📍弁慶御好燒鐵板燒 中環士丹利街11號6樓 #香港美食#日本菜#壽司