九龍灣隱世好吧大發現🤩

疫情過後，稍旺嘅地區晚市時段定必限時，想同朋友歡聚暢談一晚都好難，感覺好無癮，偶然發現呢間店舖，响正平台有個好舒適嘅室外座位，而室內又裝修得好有氣氛🥰，以藍色做主調並有幅好特色壁畫場，樓底超高，開揚闊落，感覺好正，於是入去試下😋 除咗有dinner set之外，仲有a la carte嘅主菜、餐湯、沙律及promotion items，同時又有不同款式嘅小食及生蠔可以佐酒，呢度嘅酒類款式非常多🤩，啱哂我哋呢啲酒鬼同朋友吹水歡聚🥂 Dinner set包咗有餐湯🥣或沙律🥗、主菜🥩、甜品🧁及餐飲☕️ 🥗沙律 沙律菜非常新鮮，有紅椒、黃椒、紫洋蔥及蕃茄仔，色彩豐富之餘又健康 🥩主菜 燒西斑牙黑毛豬柳扒配芥未蜜糖汁$248 黑毛豬柳大件又厚身🤩，表面燒得焦香靚仔，炭香味濃，內裡粉嫩juicy，質地爽口彈牙，肉味濃並帶油脂嘅甘甜；配上大量蔬菜🥬，有甘筍仔、西蘭花及邊豆，蔬菜亦有着濃香嘅牛油香味😝 🧁甜品 提拉米蘇 大大杯嘅Tiramisu，咖啡酒味濃郁，口感綿密同時又滑溜甜香，食哂成杯都唔覺膩😋 餐飲 熱檸茶配搭甜品當然係最佳拍檔 既然係蠔吧當然要試下佢啲生蠔喇😝 🦪荷蘭生蠔no.1 $48 荷蘭蠔並不常見，見到就當然要試下，鮮爽夾滑，海水味濃😋 🦪法國特級芬大奇no.1 $48 海水味唔算濃，鮮甜爽口有礦物味😋 再叫多個signature嘅 item送酒 🍴🦀美式蟹肉餅148 兩隻大大件，煎得好靚仔，切開成舊都係一絲絲嘅蟹肉，聞落非常之香，外皮香脆，食落蟹肉鬆軟滑身唔鞋口，完全食到蟹肉嘅原味道，唔油唔膩👍 🥂Botter Prosecco Spumante, Italy $78 有花香、蜜糖及橘皮味道，清新酸爽，配合生蠔一齊食，絕妙 無論環境及食物質素都好高，價錢公道，坐得舒服，最緊要唔限時，chill 級relax嘅享受，同朋友傾計食嘢暢飲冇難度 📍Sparkling House Seafood & Oyster Bar 九龍灣宏照道33號國際交易中心2樓平台花園203號舖 #西餐 #相機食先 #九龍灣美食 #國際交易中心 #打卡店 #Sparkling House Seafood & Oyster Bar (此文章由U Blog 同步發佈至社群)