灣仔必試Pizza店推介! 來自意大利的美味🇮🇹

估唔到喺灣仔可以試到來自意大利羅馬嘅人氣pizza店 - Alice Pizza 🇮🇹🍕。原來佢仲被當地餐飲權威指南Gambero Rosso評為「Top Pizzerias in Italy 2023」其中之一嘅Pizza店，好開心喺香港可以食到佢喺亞洲首間分店！🍕😍😍😍 Alice Pizza嘅特別之處係，佢賣嘅Pizza可以按客人喜愛嘅口味同食量需求，員工會幫你切割，再用pizza嘅重量去計算價錢，所以唔想食太多又想試到唔同口味，呢度係可以做到嘅！🤩今次一於試曬佢嘅招牌推介！😋😋 🎉Signature 店舖招牌 ～ Parma 巴拿火腿配火箭菜與黃色車厘茄🥬： 呢個pizza 外貌已經好靚好吸引，材料組合顏色好鮮艷。Parma Ham好味唔太鹹🥓，火箭菜好fresh，仲有黃色車厘茄好甜好juicy🍅🥬😋好味得黎又健康，果然係招牌👍🏻！ ～ Mortadella 意大利肉腸軟芝士開心果 有開心果嘅Pizza感覺幾新鮮，細咬會食到開心果碎同味道，感覺好特別。意大利肉腸同軟芝士味道好濃郁，真係好食😍！ ～ Truffle 松露雜菌🍄🍕 黑松露味好香，但食落味道有少少唔夠突出，不過雜菌菇味好濃，好足料。 而整體係好好味又唔會膩！😋😋 🇮🇹 Italian Traditional 傳統口味 ～ Diavola 番茄辣肉腸🍅 番茄辣肉腸等材料好多，舖滿成個pizza，而番茄味特別鮮甜，辣味都好有，個餅底仲好脆😳😋一齊食真係好正！🌶👍🏼 ～ Carbonara 卡邦尼🍳 原來卡邦尼係Pizza嘅傳統口味，仲用咗意式豬面頰肉去整，混合咗少少蛋黃碎喺pizza 到，第一次試比想像中鹹，但感覺到好有宗嘅卡邦尼風味！😋 Alice Pizza 📍灣仔皇后大道東92號地舖 推介程度：❤️❤️❤️❤️❤️ #AlicePizza #意大利 #羅馬 #pizza灣仔 #灣仔 #餐飲權威指南 #美食 #意大利菜 #薄餅 #pizza #意大利餐廳 #新餐廳 #熱門菜式 #打卡 #攻略 #chill #週末 #下次要再食