地點優勝之［牛站］

旺角呢間牛站地點已經好優勝，因為喺創興廣場2樓，環境舒適地方真係好大，以前未轉做打邊爐嘅時候已經成日過嚟食， 一上電梯已經見到一大班人喺度等緊位，好彩朋友早放工，我哋先可以早啲入到去食，講返嘢食質素，基本鍾意食台灣打邊爐嘅面底，全部都有齊，當然有我最鍾意嘅王子麵， 另外食物嘅保鮮質素都好好，唔會放晒喺度，仲會有啲說冷風吹雪住佢，其實熟悉嘅選擇都唔少，如果有小朋友嘅話仲有滷肉飯，白飯，各類唔同嘅水果，同小食， 仲有清酒梅酒啤酒任飲，真係岩哂酒鬼朋友，乳鴿任食，自小龍蝦，各式甜品，Häagen-Dazs雪糕任食 任你選擇， 講開肉質方面，我哋今次一行四人嚟食，佢大概每一碟牛肉有四塊 ，男性朋友覺得唔夠喉，一次就嗌咗十碟，好想讚賞職員們真係根據我哋落單嘅疊數去上菜，呢個真心想俾Like。 牛站（駅）麻辣火鍋放題 旺角彌敦道593-601號創興廣場2樓 #foodie#hkfoodie#hkfoodblogger#美食當前#食咗先講#牛站駅麻辣火鍋放題#旺角#創興廣場