老香港風格 fusion中菜

裝修走懷舊老派風格，但又不失時尚設計，地板用上懷舊格仔地磚，reception那邊掛滿了一系列嘅老香港相片；而整體環境開揚闊落，有落地大玻璃，可以望到維港景，非常療癒，可以邊食邊欣賞海景，沉浸於慢活時空 主食Main 🥢大蝦喇沙米線$128 湯頭微辣creamy又濃郁，米線就算浸得耐都唔會變腍斷開，沾滿湯汁嘅米線滋味好味，配上爽口彈牙大蝦、溏心蛋、魚片頭、豆腐卜、蕃茄仔及芽菜，大大碗而且配料充足，非常滿足 🥢蔥油雞扒飯$108 用上三黃雞嘅雞扒，外皮煎得香脆，肉質嫩滑juicy，彈牙而有雞味，太陽蛋煎得燶邊脆口，吸睛嘅蛋黃非常堅挺，色澤偏橙並且味道濃郁，再加埋甜香醬油及惹味薑蓉，撈於軟香帶有口感嘅珍珠米一齊食，果然係星級版嘅蔥油雞扒蛋飯 淨係主食當然唔夠喉喇，可以另加$70有埋頭盤，而加$120就有埋頭盤及甜品添😝， 咁樣就可以品嚐到豐富嘅set lunch😋 頭盤Appetiser 🥢口水豬蹄卷 豬蹄卷有口感得嚟又唔會太硬，配上自家製口水醬，醬汁酸酸鹹鹹香香，並帶有薑、蔥、蒜及芝麻，非常惹味，整體清爽唔覺膩 🥢杞子雪耳凍豆腐 豆味濃郁嘅冷豆腐上面放滿了香蔥、炸脆雪耳及紫菜絲，並配上日式甜香醬油，係一道非常清新開胃嘅前菜 甜品Dessert 🥧鬆糕包西多士 結合咗鬆糕、麵包及西多士嘅概念，口感外面香脆煙韌，內裡Q彈而軟糯，淋上煉奶及花生醬已經好好味，再沾上濃厚creamy 嘅焦糖牛油忌廉，層次味道更加倍增 🍮開心果芒果雪花酥 奶香味非常濃郁，夾雜咗開心果嘅油香以及芒果嘅 甜香，口感煙韌得嚟又鬆化，一口甜蜜，再喝一口糯香茶，非常完滿 🫖糯香茶化石 $35 濃郁普洱中帶著淡雅嘅糯米清香，令人有鬆弛嘅感覺 📍The Praya 西環石塘咀干諾道西181號One-Eight-One 酒店3樓 #老香港 #維港景色 #西環美食 #中西fusion #石塘咀美食 #the praya hk #One-Eight-One酒店 (此文章由U Blog 同步發佈至社群)