💰親民價錢食高質壽喜燒！🔥去尖沙咀一定唔可以錯過！

最近尖沙咀有間主打性價比高嘅壽喜燒店，一開張就成為各大搜尋排行榜嘅No.1餐廳🏅仲喺唔同社交媒體被瘋狂洗版🤯到底有幾堅？即刻試下先！ 【特選·薩摩牛壽喜燒】🐃（$199） 呢個午市套餐包含前菜、特選A5薩摩牛壽喜燒片 110g 、野菜盛合、日本米飯及漬物、蘭王蛋五個Item🤤睇落好似真係唔錯 前菜有薯仔沙律、胡麻豆腐同自家製肉丸三樣，由淡到濃，比想像精緻同好食😋主角薩摩牛充滿油脂、肉味濃郁🐮加埋蘭王蛋入口軟綿綿超幸福🥚🥹🥹🥹🥰🥰🥰兩個人一齊食嘅話店員仲會特登挑選兩種唔同部位嘅牛肉比客人試添！ 野菜盛合包括豆腐、芋絲、娃娃菜、大蔥等等🥬煮到淋等佢索曬壽喜燒汁再食真係一級棒🫶🏻選用日本米嘅米飯粒粒分明，口感都好好🍚輕鬆食曬成碗飯😝 餐廳內採用和風裝修，真係有啲喺日本嘅感覺，而且環境闊落，絕對唔會坐得唔舒服😌值得再讚嘅係店內服務非常貼心，店員都好友善☺️除咗會講解壽喜燒風格、食材特質，等你食完前菜先開爐之外，仲會落手幫你擺盤燒第一轉，比客人品嚐正宗關東風格嘅壽喜燒！😋💓 上網翻查，原來肉屋係喺疫情期間喺網上售賣性價比高嘅日本靚和牛打響名堂、近日正式開門市嘅網店嚟😌 $199加一就食到咁高質嘅壽喜燒真係無得彈😆性價比高到喊🤣👍🏼👍🏼👍🏼我自己就一定會再嚟😚不過因為今次係閒日去唔算多人，星期六日好似係Full到傻的🫠想食都係Book定就最安全～🤟🏼 綜合評價（5分滿分）： 食物質素：🐮🐮🐮🐮🐮 打卡指數：🐮🐮🐮🐮 環境：🐮🐮🐮🐮🐮 性價比：🐮🐮🐮🐮🐮 📍 壽喜燒·肉屋 尖沙咀海防道38-40號中達大廈3樓 #熱門菜式 #尖沙咀美食 #壽喜燒肉屋 #攻略 #日本菜 #壽喜燒 #日式料理 #性價比 #Hkfoodie#必食之選#美食#香港美食#2023日常#尖沙咀好去處#和牛#foodiehk#生活足跡#食咗先講#壽喜燒推介