🌸馬仔粉麵🌸 地點：九龍城九龍城市政大廈3樓2號舖 唔知近排大家有冇比依間沙嗲火鍋洗版呢，近排IG勁多依啲post搞到小編心思思都勁想去，難得約埋啲大學同學就一齊邊一邊去啦 🌺 食物：3.8/5 環境：🌕/5 （唔合格，衛生水平都真係幾差，小編都成日去熟食市場，但係未見過可以容許10幾隻曱甴喺枱面爬嚟爬去都無動於衷嘅，冇肚痛算我贏） 👉🏻雙併鍋底～沙嗲+皮蛋芫荽 ($70) 既然都嚟到，當然要試吓最出名嘅沙嗲湯底火鍋，整體沙嗲味非常濃郁，特別食到最後個湯底煮過咗唔同嘅肉類同埋菜式之後更加好味 ✅牛肉 (細$300) 新鮮手切牛肉，肉質同平時食冰鮮嘅完全唔同，更加軟滑，本來仲諗住點解咁貴，食完先知真係值得要㗎 ✅韭菜餃(雙併$55/2) 韭菜味好重好濃郁，食得出係自己手工包，比有啲坊間嘅韭菜餃都好食好多，如果可外賣，小編都會選擇打包一打plz ✅出前一丁 ($35/2個) 必食，相信大家都係為咗沙嗲出前一丁而來，我龍肉咩沙嗲湯底掛滿喺出前一丁上面，夠晒惹味，記得食到最後留肚ar! 大部份為雙併$55/2；菜類會再平d ：雙併$35/2 🆗 墨魚丸 🆗 白柏葉 🆗 蘿蔔 🆗 豆腐 🆗 時蔬拼盤 ❌ 水魷 ❌ 脆皮芝士腸 ❌ 雞件 P.S: -嘢飲可以除咗嗌馬仔之外，同場仲有間泰菜有好多沙冰同泰國嘢飲 -夜晚六點開門，大家如果唔想等起碼一個鐘以上嘅話，就六點前好呢度排隊入第一轉