不能錯過的老壇酸菜魚

我哋同好多朋友一樣都好鍾意食酸菜魚🐠，但一般坊間好多時都係用急凍嘅魚肉而唔係用新鮮魚，所以魚片一般都係又淡又梅；而今次我地去呢間小店，係採用新鮮魚肉，確實食到我哋舐舐脷😋，所以介紹俾大家 🥢老壇酸菜魚 鱸魚 例牌 $258 超大份量🤩，魚片塞滿成個盆咁大嘅湯碗，用上新鮮鱸魚片🐠，並不是坊間一般所用嘅急凍魚片，所以大大片又夠厚肉，魚肉鮮甜好味，配菜有粉絲、大豆芽、黃芽白、芫茜及爽脆酸菜，湯頭濃郁，酸辣度平衡😋 🥢子薑鴨$158 老闆特別推介子薑鴨，用上子薑、青椒、紅椒、蔥段等材料爆炒，香辣又惹味，鴨件彈牙好趙頭，餸啤酒一流 🥢蒜泥黃瓜$48 黃瓜份量超多，爽口又新鮮，連配菜都唔揸流灘，有芫荽、蒜泥及辣椒，又係又多又新鮮，仲灑滿好多芝麻，夠哂香口惹味，醒胃開胃，作為前菜一流👍 🍻青島啤酒$26 有咁惹味嘅菜式，當然要啤啤佢 一間小小嘅菜館，食到大大嘅用心，食材新鮮而且真材實料，老闆及老闆娘非常好人，服務超好，係一間性價比高嘅菜館👍 📍鴻運食菜館 旺角通菜街2A-2P號鴻光大廈地下P號舖 #小店 #四川菜 #旺角美食 #酸菜魚 #老壇酸菜魚 #通菜街美食 (此文章由U Blog 同步發佈至社群)