帶來驚喜🤩的黎巴嫩菜

朋友相約我到黎巴嫩餐廳 食飯，感覺興奮，因為完全未接觸過呢個國家嘅菜式 餐廳用黃加藍色條子裝飾牆身及天花板，並垂吊了色彩柔和嘅花花，椅背墊用上民族色彩碎花圖案並配以軟綿綿嘅cushion，舒適又有黎巴嫩色彩，好似置身於黎巴嫩嘅花園一樣 🥢Lamb kofta羊肉串 $198 Kofta係指肉碎、香辛料及蔬菜揉製而成嘅肉丸或肉條，呢款lamb kofta口感好，有羊肉味及香料味，無騷味，食落唔油膩；kofta下面有塊薄餅，估唔到咁薄身嘅薄餅都咁煙韌有口感，舖滿咗番茄醬、紫洋蔥及紅綠椒，整個配搭非常好味 🥢Lamb Arayes羊肉碎薄麵包 $128 Arayes皮塔餅麵包，外面 烤到香脆金黃，裡面裝滿咗口感嫩滑嘅羊肉餡料，滋味好味，並配上了中東芝麻醬，中東芝麻醬與中式最大分別係先去殼研磨，所以味道及質感都更加細膩幼滑 🥢Hummus鷹嘴豆蓉$88 鷹嘴豆蓉加上中東芝麻醬 及檸檬汁製作而成，質地綿香幼滑，豆蓉味濃郁並略帶酸酸地嘅清新口味，配埋脆片及軟包一齊食，非常正 🥢Fattoush薄脆沙律$128 混合蔬菜有櫻桃、蕃茄、青瓜、雜錦辣椒、薄荷、歐芹及石榴醬，口味清爽微酸，同時亦添加了薄脆片，豐富了成碟沙律，有飽足感之餘亦全無負擔 🍷Errazuriz estate Carbernet Sauvignon, CHILE $88 厚身，微乾，酸度平衡，濃郁芳香，有黑加侖子、車厘子及香草味道，配搭羊肉一流👍 今次黎巴嫩美食之旅好有驚喜，而且侍應服務態度非常好，佢哋仲話呢度有不定時嘅肚皮舞表演💃，可惜當晚睇唔到，留待下次再訪時有幸睇到👀 📍RUE DU LIBAN 尖沙咀山林道22-26號地下A號舖 #黎巴嫩菜 #尖沙咀美食 #rue du liban #鷹嘴豆蓉 #Lamb Arayes #Lamb kofta (此文章由U Blog 同步發佈至社群)