Day 2 出發小豆島之旅！由中央公園dormy inn hotel 揸車十五分鐘已到達碼頭準備連人帶車搭11:10am船 二個人連一架4m車一程要yen5500 ，車愈長愈貴啊！小豆島有幾個港口，而著名景點梯田橄欖公園天使之路是必去的，B先生一早已安排好路線，決定去程選擇近中山千枚田的池田港口 , 上船 一個小時船程，可以選擇留係車上或者上船休息，我和B先生當然上船參觀一下 好大好寬敞好乾淨，連洗手間都好乾淨！船上有烏冬關東煮和零食購買，小睡片刻，話咁快就到步了！ 第一站醫肚仔，小豆島頗有名的小店食橄欖牛burgar 小店附近有免費駐車場，正值午餐時間要排隊，老闆娘告訴我們20分鐘後回來！先去隔離的千枚田影靚相吧！到春天時一整片綠油油梯田應該會非常漂亮！ 終於有得食！！漢堡非常 juicy ，那個炸魚雖然不知道是什麼魚，但肉質鮮甜很香口惹味，還可以試一下柚子醬油和小豆島特產「鶴醬」醬油，豆味濃好香又唔會死鹹，連豉油都覺得好好味哈哈 食飽飽下站橄欖公園，小豆島的景點全都有免費駐車場，橄欖公園是「魔女宅急便」電影拍攝場景，來到拎住支掃巴跳起影相是常識吧！先到館內借掃巴 友誼廣場和風車都是打卡位 我和B先生跳左7800次 玩左成個鐘，回館內還掃巴，當然少不了買橄欖油和醬油 差不多五點了！上網check咗今天退潮時間5:10 pm ，20分鐘車程去最後一站天使之路！傳說手牽手走過這條散步道的戀人就可以永遠在一起！！！每天只有潮漲潮退兩個時段會浮出海面，來朝聖務必事先check好當天漲退潮時間。天使之道會在該時間的前後2小時間顯現 。 另外有一小段山路可以行上展望台換過角度從高處欣賞美景 三月中的小豆島應該只有幾度，加上沿海風大，我和B先生手牽手行完整條天使之道隻手冇左知覺=_= 夠鐘走了，天使之路距離10分鐘就是土庄港口，是另一個港口，來的時候是池田港口，建議自駕遊人士這路線比較順路，事前做好功課搭640pm船，價錢一樣yen5500，提一提回程這個港口只收現金啊！ 明天就要離開高松，當然要一試高松出名的骨付鳥，其實就是煎整隻雞髀，揀左間比較有名的「骨付鳥一鶴」 預左要排隊，排左20mins ，餐牌選擇不多，主食只有兩款雞髀和雞飯另外有一些前菜小食 啤酒雞髀蠶豆飯團雞湯雞飯！！點解可以咁好食！高松嘅雞髀點解可以咁好食！簡單嘅雞飯點解可以咁好食！！有機會一定會再回來！！！大推！！！！！ 飲飽食醉後，爭取時間逛一逛驚安。驚安真係好可怕，一逛就二小時，買了一對化妝品零食！純分享，這支nivea 唇膏，made in japan，香港應該冇得買吧？？五隻顏色我買咗四隻，好好用好潤易上色不顯唇紋，吾易乾更加唔會起死皮！好驚喜，加上親民價錢，真的不比大品牌差啊！！重申以上純分享，不喜勿插！ 已經是晚上11點，筋疲力盡，回酒店浸溫泉睡一覺就要同高松講拜拜了！明天向新祖谷進發！