Be Leaf (觀塘) 。 最近見到好多人推介呢間觀塘新開嘅Cafe，店內裝修行荅里島風🍃🍂🍁，有幾個打卡位可以影相。餐廳亦都係pet friendly，可以帶埋貓貓狗狗🐱🐶去食嘢同打卡。 。 🌟邪惡熱熔芝士醬🧀烤西班牙伊比利亞豬肋骨🐷配薯條 🍟$328 賣相好吸引，冇諗過咁大份。總共有九條豬肋骨，上面仲有芝士醬，嚟到熱辣辣，仲可以拉絲。豬肋骨煮得好淋，唔會好難咬。仲有香脆既薯條，食完成份真係幾飽。 。 🌟香煎慢煮牛腹肉伴牛油蒜香珊瑚蚌配阿根廷青醬🥩 $288 慢煮嘅關係，牛腹肉嘅熟度好平均，連煎香左嘅表面都唔會鞋，仲幾軟嫩，食唔到筋，本身唔係好夠味，可以點配嘅醬汁一齊食會更好食。肉之外仲配左唔少蔬菜同珊瑚蚌。 。 🌟法式焦糖卡士達梳乎厘班戟🍮🥞 $128 最期待就係呢個梳乎厘班戟，佢哋嘅梳乎厘有三種口味，今次試咗焦糖先。下面係兩件pancake，面頭有厚厚一層奶蓋仲有焦糖，唔算好甜又幾好食。Pancake有啲實，如果再空氣感可能會仲好食。 。 🌟Strawberry avocado smoothie 🍓🥑$52 🌟Papaya mango smoothie🥭 $52 飲品方面試咗兩款smoothie ，味道唔會過甜，比較鍾意牛油果嗰款，味道會濃啲。 。 📍觀塘敬業街55號皇廷廣場地下2號舖 #社群時間囊