投入精品咖啡感官之旅 @K11 MUSEA

隨著精品咖啡文化喺香港越嚟越普及，有好多大大小小嘅咖啡市集續漸出現，今次由 K11 MUSEA 主辦嘅 Coffee Journey 集結咗十幾個咖啡單位，除咗有各式各樣嘅咖啡豆之外，仲有咖啡器具、同咖啡品牌 Crossover 嘅香水、由咖啡製造嘅餅乾等等。 最令我印象深刻嘅係一個本地嘅 Micro Roastery - Sniff，當日試飲咗 Honduras Santa Lucia Bourbon Lempira，其實之前喺另一間香港嘅咖啡店都飲過依隻豆，試完之後完全冇比下去嘅感覺，甜、clean cup。店主仲分享咗佢對咖啡嘅諗法、平時用開嘅沖煮方法、研磨度同埋濾紙等等。有興趣同店主傾啡嘅朋友就記得去Sniff 嘅攤檔喇！ 除咗唔同嘅攤檔之外，Coffee Journey 其實仲有好多種類嘅 Workshop 俾大家參加，無論係咖啡沖泡、定係拉花技巧，或者係鑑賞品味嘅工作坊都應有盡有，另外仲有香港首個以茶飲大師燕麥奶 (Oatly Oat Drink Tea Master) 為主題嘅特色咖啡比賽，所以無論你係咖啡新手定咖啡發燒友都一定有一樣啱你！ #咖啡 COFFEE JOURNEY 2023 🗓️15 MAY - 4 JUN 📍6/F, K11 Art & Cultural Centre, K11 MUSEA