超正日式燒肉😋😋

🔸️驚安燒肉商店 (尖沙咀) 📍尖沙咀金馬倫道48號中國保險大廈3樓C號舖 朋友話之前食過韓燒﹐覺得一般。今次想試下日式燒肉﹐對於食肉獸既我無任歡迎。 最後選擇左呢間驚安燒肉。 座位闊落, 唔會好大油煙感，讚！ 一早經WHATS APP BOOK 好位, 去到店面唔算大﹐安排左BAR 位2人位﹐ 座位闊落﹐都夠大同舒服。 店員推介九官格﹐因為可以自選唔同肉既部位﹐如果有特別鍾意﹐可以再ENCORE~ 🗨驚安和牛九格盛盒 (自選)X 1 🗨紫菜月見飯 X 2 🍺Sapporo生啤買一送一 🍺橙汁 X 1 九格盛盒一黎到就難掩我既興奮﹐真係超勁吸睛呀﹐仲同個朋友討論要食邊款先~ 唔逐一講﹐因為全部都係A4-A5和牛﹐所以一D都唔擔心質素問題。仲有﹐解雪度岩岩好﹐唔會好似有D 餐廳做唔好前置功夫。 牛舌厚身岩岩好﹐甘口厚切牛頸脊﹐真係好掂﹐呢個要ENCORE 和牛未去到入口即溶﹐但個口充滿油脂﹐真係食一啖就開心一下！因為肉既質素好﹐我自己就鍾意加少少 鹽同黑椒食﹐唔洗點醬汁﹐甘就已經好好食。 驚安嘅紫菜月見飯真係每台必叫﹐鋪滿大量紫菜、芝麻碎調味粉、牛肉汁﹐仲有隻超橙色既蛋黃﹐睇相都已經流口水喇﹐配埋肉真係一流！ 生啤好似一直都係做緊買一送一﹐抵讚一下佢地係用冰杯﹐果然係有質素既餐廳。 最後要大讚既抽風/通風系統做得非常之好﹐呢間係唯一一間食完燒肉個身係無燒肉味架!!十分神奇﹐番到屋企換衫仲聞到自己噴既香水味。 必。定。再。來 🤗😋🤭 #生活足跡