【🎈打卡必到! 觀塘隱世復古風cafe❤️!】

呢度就好似一個博物館，充滿古雅氣息，一入到去就好似去咗另一國度🤗！店員好好咁帶妹豬仔導賞，話我知cafe以烏托邦 (Utopia)做靈感，希望嚟到嘅客人進入烏托邦，享受喺呢度嘅美好時光🫶🏻！ 店員仲分享咗佢哋由歐洲各地搜羅唔同古董、古物/裝飾品嚟佈置呢度每個角落。妹豬仔認為呢度每處都好靚，都係打卡位😍！例如有：衣車、藥房、古董打字機、香港製造嘅舊式攝影機、古董琴、歐洲家居、歐洲用餐佈置、證婚佈置等等。 欣賞完每個角落嘅古董、古物之後，就可以喺呢個烏托邦慢慢品嚐美食😋～ 🔸[士多啤梨千層蛋糕🍓] 蛋糕每層鋪滿士多啤梨味忌廉，而且帶有士多啤梨果肉，食落酸酸甜甜，士多啤梨味突出！ 🔸[伯爵茶千層蛋糕🫖] 伯爵茶忌廉伴隨伯爵茶葉，蛋糕聞落同食落都伯爵茶味香濃！ 🔸[英式早餐茶🌿] 由百年歷史品牌Ronnefeldt嘅茶包沖成 ，飲落比平常飲到嘅英式早餐茶多出一份果香味道，有小驚喜！ 🔸[伯爵茶🌿] 同樣由百年歷史品牌Ronnefeldt嘅茶包沖成 ，飲落香醇而茶味香濃！ 💡妹豬仔話你知💁🏻‍♀️～呢度冇固定開放時間，去之前記得留意佢哋社交平台每星期嘅更新喇～ 💡妹豬仔再話你知💁🏻‍♀️～呢度仲有唔同工作坊俾客人參加，例如：馬賽克藝術工作坊、手沖咖啡工作坊等，有興趣嘅朋友可以參加下！ (以上價錢僅供參考，一切以咖啡店為準) ➖➖➖➖➖➖➖➖ ➖➖ 📍ManTopia 觀塘鴻圖道60號鴻福工廠大廈10樓B2號舖 ➖➖➖➖➖➖➖➖ ➖ . 🔍✨妹豬仔👧🏻！ Welcome to 𝙁𝙤𝙡𝙡𝙤𝙬, 𝙇𝙞𝙠𝙚 & 𝙎𝙝𝙖𝙧𝙚 🤗～ 👉🏻 𝙄𝙣𝙨𝙩𝙖𝙜𝙧𝙖𝙢 : muichu.jai ❤️| 👉🏻 𝙊𝙥𝙚𝙣𝙍𝙞𝙘𝙚 <ʟᴠ.𝟹> : muichu.jai ❤️| 👉🏻 𝙐 𝘽𝙡𝙤𝙜 : muichu.jai妹豬仔生活日常 ❤️| 👉🏻 𝙁𝙖𝙘𝙚𝙗𝙤𝙤𝙠 : muichu.jai ❤️| . #muichujai妹豬仔周圍食 #香港美食 #觀塘美食 #觀塘cafe #復古風 #咖啡店 #香港cafe #hkcafe #打卡cafe #mantopia #mantopiahk #香港好去處 #觀塘好去處 #打卡好去處 #打卡美食 #千層蛋糕 #古道具 #古物 #古董 #博物館 #工作坊#社群試食ManTopia#打卡美食