不過不失泰國菜

打完風周圍揾野食，最後行左去香港仔食泰國菜 我地3大1小叫左個2人餐再加野食 2人餐都幾豐富，蝦餅脆口，又彈牙，豬頸肉都幾大碟，個濕炒河好多餸，而個菜都正常好食，另外仲包椰汁西米糕4件。 另外我地仲叫左咖哩牛腩，佢用火熱住上枱，其實唔係好明點解要熱住，呢個都幾多牛腩，但冇牛筋，仲好多油，我地仲叫左蒜蓉包要黎點咖哩，但係個蒜蓉包角焗得比較燶，而個椰青都幾貴下，48蚊一個椰青，呢個價錢唔係咁抵，不過老人家話要飲，冇法！