銅鑼灣上海菜

浦東蒲西 (銅鑼灣) 銅鑼灣開平道1號Cubus 5樓 聽聞呢度係由老雪園班底開的，而我哋本身都係老雪園的常客，所以都想嚟呢度試吓。 試完之後覺得都唔錯，兩間各有各好。 呢晚食咗炸子雞 ， 外皮炸得幾脆，肉質幾滑，唔錯。 另外係蝦球，個汁酸酸甜甜用嚟撈飯一流，不過呢晚我哋叫咗湯麵😅。 另外又叫咗一碗鹹肉湯麵，好鍾意佢個湯，不過好似每次湯嘅濃度都唔一樣，有時會濃啲有時會淡啲。 之前嚟呢度仲食過酸菜魚、小籠包等，酸菜魚嘅魚肉好滑，不過會越食越辣，但我都幾鍾意。 總括嚟講呢一間都係我食完會反𠒇嘅餐廳。