日本立食展😋😋😋《美食篇》

本人為了加入社群創作有價企劃行列，決定運用自身的日文一級能力，致力為大家上網搜羅與日本景點有關的優惠情報，再在U Lifestyle 作出分享。務求讓大家慳得一蚊得一蚊，做旅遊精明消費達人! ———————— 為慶祝今日唔知咩事突然間由只得雙位數followers既我，突然間標升到5百幾followers。 今日我好努力為大家翻譯同埋搜羅左一個日本好有趣既event。 日本立食展‼️‼️ 日期·時間： 27/6/2024-28/6/2024 （12:00-21:00） 29/6/2024 （10:00-21:00） 30/6/2024 （10:00-20:00） 地點：東京都台東区恩師上野公園竹の台広場(噴水広場) JR上野駅 公園出口徒歩2分 💫入場費用全免 香港工展會你就去過， 充滿日本風味既立食展你又去過未？ 立食展顧名思義就係一個個攤位，你企係度食， 我覺得同香港個工展會有啲類近， 但個Vibe就好唔同 。 俾佢上年個畫面你睇下就可以feel到。 https://youtu.be/3JMHxUc2PNs 果度有表演睇，有野食，有酒飲 。 喺呢個環境分分鐘你都有機會識到新朋友架 。 因為而家都仲係5月頭，佢呢個event都仲係籌備緊 。 現階段佢只係公佈左有咩食肆參加， 為左俾大家及早預備，所以我先將佢翻譯左出黎先 。 你睇下d野食吸唔吸引你去啦，旅程及早規劃呀麻 。 我其實一路翻譯就一路俾佢引到口水都流埋啦 。 佢地雖然唔係話咩名店，但都好有誠意有各式各樣既美食架啦。 佢形容到好好味咁😋 除左野食，其實仲有酒既參展商 。詳情可以去佢官網睇，酒🍸我就唔譯俾大家睇啦 。 6月大熱天時，去到就一定熱架啦， 但就係呢股熱浪， 令成件事更有氣氛。 去日本行得商場多，坐得餐廳多， 不妨試下呢種熱力四射既盛會啦！ 官網提到仲有表演嘉賓， 但詳情仲未公佈， 如果公佈後，我發現有有趣既內容，我再出post同大家follow下 。 想知道更多日本新奇有趣既event記得關注我啦‼️你既關注為我帶來寫文章既動力🤝 ———————— 所有圖片來自官網（https://shitamachi-highball.com）。 ———————— 如果大家見到有咩優惠/活動，但因為日文而唔識睇，可以話我知，我可以繼續出POST 話俾大家知。 想知更多優惠/活動資訊，就FOLLOW 我俾D動力我啦! THANKS. #日本之旅#日本好去處#日本#日本菜#日本必食#日本食玩瞓#日本之行#日本旅行#日本美食#日本料理#日本自由行#日本旅遊#日本攻略#日本旅遊攻略2024#日本好玩景點#日本文化#東京#東京自由行#東京美食#東京攻略#東京必食#東京旅遊攻略#event#日本event#求好旅友