東薈城名店倉 琴日針灸完火速入去東薈城買對鞋，事關我對腳已經做好咗腳托，身體腰椎入面三粒水囊搞到我身體越嚟越差，尤其對腳越嚟越變形， 唔長時間著腳托根本唔得，見有時間就去買鞋， 雖則新年買鞋「唉唉」聲，我就唔理咁多！ 以前買鞋千千聲都唔會睇價錢，只睇款式，睇啱就買，因為我都唔行路，一對鞋隨時著三五七年，又唔會有損耗性，除返開非常抵，但依家買鞋要睇身體衰退速度，所以就要入嚟買鞋！ 行咗6間鞋店（Adidas、Asics、K Swiss、New Balance、NIKE、Puma）， 原來45號鞋係好難買，最終喺Puma鞋店搵到45號鞋，價錢又相對抵，買一對要$599，間店做緊優惠$599兩對，緊係買兩對啦，於是叫工人姐姐揀多一對鞋，當新年禮物送比佢啦！ 地址：大嶼山達東路20號東薈城名店倉 #農曆新年 #兔年 #香港好去處 #新年好去處 # shopping #購物 #買鞋 #outlet #hkig #hkboy #wheelchaireatinhongkong