Potluck Eatery 簡約木系pet friendly cafe 有2張室外既座外座位,可以帶寵物。餐廳內都幾寬闊,用咗好多木嘅擺設,環境位置都幾舒服。 Dinner set 都有幾款,包咗 Soup w/ Bread + Main+ Dessert+ Beverage 🌟Soup w/ Bread 今日餐湯係紅菜頭湯,我本身都鐘意食紅菜頭,所以覺得都幾好飲。湯都幾濃味甜甜地,有好多紅菜頭粒,但如果本身唔鍾意紅菜頭陣味就未必鐘意。 🌟牛油香煎帶子鮮蠔汁意大利飯 $248 一食落都幾重蠔既鮮味,意大利飯都有蠔粒,但唔大粒的。加咗啲芝士碎,成個飯幾好食,有三粒香煎帶子,帶子都爽 🌟烤焗香草保雲蘇紐西蘭西冷羊扒 $328 西冷羊扒表面有啲脆脆既麵包糠,我地要咗5成熟,中間仲粉嫩,好似可以再生多少少。但肉質都唔錯,唔會有羊羶味。下面有啲薯仔🥔都好食 🌟甜品 每人都仲有份甜品,今日呢款係芝士蛋糕🍰,芝士味濃,蛋糕都好滑 🌟Peach tea +$20 🌟Hot honey yuzu +$20 只包幾款飲品,其他就要加錢。 📍Potluck Eatery (尖沙咀) 尖沙咀柯士甸道136-138號金門商業大廈地舖

地址
Potluck Eatery
香港尖沙咀柯士甸道138號
評分
4/5
下一篇載入中