以前嘅戲院

嚟緊又有兩間戲院會close咖喇，好唏噓。你哋住或者返工嘅區域附近有冇一啲以前係戲院嘅地方而家係荒廢咗或變咗其他用途咁嘅呢？我係新界西嘅居民嚟，細個會去屯門新墟一間叫域多利戲院嘅地方睇戲，依家嗰度變咗賣菜嘅檔口喇。 我今日經過兩個以前係戲院嘅地方一個係北角嘅皇都，不過佢而家應該係改建中，封住晒，我冇見到啲咩。另外就經過荃灣楊屋道同眾安街交界，就係圖中呢個龍華戲院，原來已經都冇咗二十幾年。依家嗰度仲有啲街舖，但都好老舊。 好驚有一日大家唔再喺戲院睇戲，好驚有一日啲戲院逐間逐間摺埋唔做，雖然依家嘅影音產品出到好靚，你有錢喺屋企整家庭影院都得，可以畀錢subscribe Netflix呀同Disney+等等，但入戲院享受一套電影係一個情懷嚟，我唔想失去佢哋呀。 😢 #社群有辦髮