日本關西風串燒居酒屋

上星期朋友帶左我去一間樓上隱世鐵板燒小店，店內掛滿日式燈籠，中間有個很大的燒烤吧枱，勁有大阪日式串燒店的風格，食物價錢相宜，環境舒適，真係好推介！ 雲丹炙燒原條平目魚 海膽滑溜甘甜，好新鮮，配埋肥美多汁的平目魚，魚肉細膩，魚邊烤至香脆，好幸福的味道！ 日式蜂巢手羽先 手羽烤至金黃香脆，雞肉嫩滑，正 燒蠔 蠔味香濃，蠔肉新鮮爽甜，超多蒜茸好惹味 青椒蝦滑串 係用左大蝦釀起青椒入面，帶點青椒辣味，係一款好開胃的小食 燒五花腩 腩肉肉質柔軟，香脆肉嫩 明太子醬燒翠玉瓜 好濃味的明太子醬，配上清爽既翠肉瓜，好味 自家制醬燒豆腐 豆腐按面脆卜卜，淋上香濃既蒜茸麵豉醬，入面豆腐熱辣辣、滑溜溜，推介 香辣牛肉 牛肉配上香辣既孜然粉，食落口有啲似四川的風味，配上佢自家製的梅酒，好爽 虎蝦天婦羅 虎蝦好大只，酥脆既炸蝦殼，彈滑既蝦肉，好味 活鰻小串 鰻魚表面香脆，魚肉多汁，口感爽脆，必點！ 燒波蘿 菠蘿好甜，酸酸甜甜的味道解膩一絕！ 自家製梅酒 店員說佢地自家製既梅酒係經過兩年的釀製，酒味唔會好辣，口感濃郁甜蜜，好正，仲可以買走一樽只係$290，我自己覺得比日本好出名的Choya更好飲，更易入口！