如果你咁啱需要買醬料咁就唔好錯過嘞

淘大出咗隻麻辣點煮醬，喺網上已經有煮食方面嘅KOL介紹點用，我睇完人哋嘅片，對呢個product好感興趣，而且惠康百佳都做緊優惠賣20蚊一罌，我覺得都OK，咁就去睇下啦！ 喺百佳仲見到淘大嘅醬料做緊呢個優惠：買滿40蚊，送三款贈品各一件，唔係只送其中一樣，係送晒！包括丘比沙律醬香甜口味300g、壽桃牌奶油麵340g、家樂牌雞粉120g。佢話總值54蚊，如果你食開呢幾樣嘢你都大概知道佢咩價錢啦，就算你話佢唔值54蚊，點都值30+，接近40蚊，好抵呀，而且好實際，呢啲我都有買開食開嘅。 我總共揀咗三罌醬料，加埋都係五十幾蚊，就咁多嘢攞走喇喎。正呀喂。 呢個優惠做到18/4/24，如果你咁啱需要買醬料煮餸，制得過。