我好多年冇嚟過，幾十年前就久唔久都會跟阿媽嚟食上海粗炒同銀絲卷。 夜晚九點幾嚟到都好多人喎，不過好好彩，廚房外面個位就啱啱好係吉嘅，即刻坐。 點咗上湯豆苗、酸辣湯、小籠包同煎素鵝，全部非常好食，好食到好開胃，聽見有人嗌豆沙鍋餅，我哋都追加一個做甜品，煎得勁靚。 下次嚟灣仔如果諗唔到食咩都可以再encore呢度因為好好味。
