咖啡控必去! 上環神秘感高質Cafe-Barista Jam

今次再次黎到上環,去咗一間外觀好隱蔽,但係實際入到去好chill 好高質嘅咖啡店 - Barista Jam。店外裝修係簡潔金屬嘅元素去做店名門牌,而且門口位係凹左入去唔係好見到店內,所以經過見到覺得有點神秘感。而凹咗入去嘅地區就係戶外露天用餐區,用木箱同鐵箱組成,感覺好隨意,好chill。😍🤎 入到去第一眼就見到遠處有一個好靚嘅咖啡吧台區,有唔同嘅咖啡機同埋磨豆機,令人感覺好pro,手沖咖啡亦係佢哋推介必試嘅咖啡。佢哋嘅裝修係簡潔嘅工業風,用咗啲水泥同木質嘅元素,環境好舒服,放埋英文音樂,可以好放鬆咁嘆啡!現場仲有佢哋烘焙嘅咖啡豆買,飲完咖啡,仲可以上2樓,睇同買好多唔同嘅咖啡用具,呢到真係好啱咖啡愛好者。😍😍🤎 ~ Chicken & avocado with salsa sauce open sandwich | $78 因為係下午時間去,所以點咗一份三文治加咖啡。😋 三文治係 Chicken & avocado with salsa sauce open sandwich,外觀好靚好精緻,好令人口水!用咗新鮮嘅雞胸肉,同埋綠油油嘅牛油果,加上有啲酸酸同少少辣嘅莎莎醬,一齊食真係好開胃!伴碟仲有好味嘅新鮮沙律,而三文治烘到脆脆地,包入面好軟熟,配埋上面嘅新鮮食材,真係好味!一口食到雞肉嘅嫩滑同埋牛油果嘅奶香,再加上啲微辣嘅莎莎醬,好有層次,好味美。🤤😋 ~ Flat white ☕️$35 Flat white好香濃,甘苦酸甜平衡度好好,牛奶比例啱啱好,口感柔滑,覺得好好飲,感覺高質,好啱我口味。😍🤎 上環嘅Barista Jam咖啡店,唔單止可以享受到美味嘅野食同咖啡,仲感受到上環呢個新舊文化交合嘅社區入面舒適嘅氛圍,令人好放鬆好chill咁嘆咖啡,真係會想再黎過。😋 Barista Jam 地址:上環蘇杭街97號地下1號舖 推介度:⭐️⭐️⭐️⭐️⭐️/5⭐️ #必去 #高質 #文青 #咖啡 #上環咖啡 #上環 #蘇杭街 #嘆咖啡 #BaristaJam #coffee #cafe #隱世 #日式 #工業風 #熱門菜式 #打卡 #攻略 #chill #週末 #下次要再食 #打卡熱點

平均消費
HK$120
地址
Barista Jam
G/F, 97 Jervois St, Sheung Wan, 香港
評分
5/5
,
想試試😍
下一篇載入中