上海小店推介 旺角劉興記 新鮮熱辣生煎包

旺角竟然新開劉興記!最出名就係生煎包,於是同朋友一齊去食~ 夜晚6:00門口已經大排長龍,等咗半個鐘先至入到去~ 除咗原味生煎包,其實仲想食蟹粉生煎包,點知!阿姐話已經賣晒🥹 所以如果大家想食就一定要早啲去 生煎包新鮮熱辣大大粒,即叫即煎超香脆,而且湯汁爆多,啜極都有,肉汁鮮味非常Juicy~ 另外仲嗌咗排骨菜飯同雞絲酸辣湯｡ 排骨外層包住一層薄薄嘅麵包糠,非常香口酥脆｡ 菜飯清淡煙靭｡ 再配埋雞絲酸辣湯就剛剛好~ 雞絲酸辣湯好足料,除咗雞絲,有齊冬菇絲､竹筍絲､木耳絲,滋味😋 #UCreator#打卡美食#好去處#chill#香港美食#旺角美食#生煎包