尖沙咀悠閑樓上屋酒屋 午市抵食套餐

一間位於嘉芙中心4樓嘅居酒屋，平時成日去尖沙咀都唔多留意到，今次趁中午有空檔就去試下！ 一入到去個感覺好舒服、環境舒適，當日午市人手唔算好多，但店員見到我入嚟之後都即刻由半開放式廚房行出嚟招待咗我先😊 雖然冇一個店員長期喺樓面，但都時刻留意住客人嘅需要，當我想落order嘅時候，雖然店員忙緊，但都好有禮貌地叫我等一等先，轉頭幫我，值得一讚😊 本身諗住坐室外，但我去嗰日落大雨，唯有坐返室內🥲 【前菜】 1. 魚湯 一般午市套餐／定食嘅前菜都係俾麵豉湯，但依間竟然係俾魚湯，飲落好鮮甜，好飲👍🏻 2. 炸餃子 另一樣驚喜嘅前菜，一咬落去仲熱辣辣、好脆！正常日式餃子味道。 3. 中華沙律 就是普通的中華沙律🤣 【迷你蟹肉蟹膏丼飯 廚師發辦壽司餐】｜$118 迷你蟹肉蟹膏丼飯都幾足料，蟹肉鮮甜、蟹膏濃郁👍🏻 當日嘅廚師發辦壽司餐包括：蝶魚壽司、鰻魚壽司、章魚壽司、魷魚壽司、三文魚壽司 都係一啲比較常見嘅魚類，食落感覺用料都幾新鮮👍🏻 略嫌飯有啲太散，好難完整食晒成舊壽司。 【迷你刺身盛】三文魚刺身、章魚刺身、劍魚腩｜$65（追加） 整體用料新鮮👍🏻 三文魚夠肥美、劍魚腩鮮甜、有少少咬口，可惜章魚有啲失色，兩塊都好難噍☹️ 總結：好好嘅用餐體驗🫶🏻 店員嘅服務態度加咗好多分，有禮貌又留意客人需要，基本上我杯水係冇少過半杯🤣 食物方面都唔馬虎，尤其前菜一啲都唔hea！除咗壽司、刺身之外，其實佢仲提供串燒、佐酒小食等等。另外見到佢個酒櫃都有唔少酒嘅選擇，仲有得包廂！無論係想自己一個靜靜地食，定約埋三五知己一齊飲住酒傾吓偈都好啱！😝 #熱門菜式#食咗先講#打卡美食挑戰#香港美食#打卡#美食#打卡美食#尖沙咀美食#相機食先#日本料理 絆 📍尖沙咀漆咸道南53-55號嘉芙中心4樓 位置／環境： 9 / 10 食物質素： 8.5 / 10 性價比：8 / 10 服務：9 / 10 會再去嗎？： YES